Fan: Ta'limda innovatsion menejment

Ta’limda bozor bo‘g‘ini – bu iste’molchilar guruhi bo‘lib, ular taklif etilayotgan o‘quv mahsulotlariga hamda marketing rag‘batlariga nisbatan bir xil mayl bildirishi bilan tavsiflanadi.
Ta’lim xizmatlari bozorini bo‘g‘inlashtirish zarur, chunki u:

• 
  mijozlarning asosiy guruhlari xususiyatlarini bilish imkonini beradi;
  

• 
  mijozlarning asosiy talablarini aniqlash va ifodalash imkonini beradi;
  

• 
  aniqlangan mijozlarga ularning ehtiyojlarini qanoatlantiradigan ta’lim
  

xizmatlarini taklif etish imkonini beradi;

• 
  ehtimol tutilgan o‘z mijozlarini jalb etishga qaratilgan marketing strategiyasini belgilashga yordam beradi;
  

• 
  taklif etilaytgan o‘quv mahsulotlarini reklama qilish va ilgari surish uchun samarali kanallar/usullarni tanlab olish imkonini beradi.
  

Ta’lim xizmatlari va mehnat bozorlari aloqalari tizimining ajralmas qismlari hisoblanadi. Mehnat bozori iqtisodiy vazifasiga ko‘ra resurslar bozorlariga, ta’lim xizmatlari bozori esa xizmatlar bozoriga kiradi. SHu bilan birga mazkur bozorlar o‘ziga xos munosabatlar, amal qilish mexanizmlari, institutlariga xos tegishli mazmunga ega bo‘lishini taqozo etadi.

Mehnat va ta’lim xizmatlari bozorlari, ularning sub’ektlari o‘rtasida yuzaga keladigan bozor munosabatlarida, fikrimizcha, kishilarning iqtisodiy manfaatlari, didi va qobiliyati, raqobat va narx – navo bilan birgalikda tadqiq etilayotgan bozorlarning faoliyati va o‘zaro aloqasiga faol ta’sir ko‘rsatuvchi omillarni hisobga olish darkor.

Mamlakatning mehnat va ta’lim xizmatlari bozorlari mehnat munosabatlari tizimidagi o‘zgarishlar, bandlikni,kadrlar tayyorlash, qayta tayyorlashni tartibga solish metodlarini isloh qilish bilan uzviy qo‘shilib ketgani uchun ushbu qonuniyatlar o‘zaro bog‘liq bo‘lgan, bozorning o‘zaro aloqasiga ta’sir ko‘rsatuvchi tamoyillarning ishga solishni taqozo etadi.