Fan: O’qish. Sana: 10. 2019 –yil Mavzu: Qizcha va qarg‘alar. N. Norqobilov. 1-qism

1.O’tilgan darsni so’rash.

1. Matndan nimalarni bilib oldingiz? 2. Qizsha qarg`alar bilan qanday do`stlashib oldi? 3.Siz kuzda qushlarning harakatlarini kuzatganmisiz? Qayerda?

2.Yangi mavzu bayoni.

N.Norqobilovning “ Qizcha va qarg‘alar” matnini 2-qismini ifodali o`qib beraman:

Ammo qizcha va qarg‘alar o‘rtasida yuzaga kelgan bu o‘ziga xos do‘stlikka ota va ona e’tibor bermadi. Bir kuni tongda ularni qarg‘alarning o‘ta qattiq qag‘illashi bezovta qildi. Ota yelkasiga to‘nini tashlab hovliga chiqdi, kesak otib ularni quvdi. Ammo qushlar uzoqlamay, yana qaytib keldi. Bu safar ular o‘n chog‘li edi. Ishkom va daraxtlarga qo‘ngancha, qag‘illab, olamni boshiga ko‘tara boshladi. Bu hol ikki kun, ya’ni shamollab, ko‘rpa- to‘shak qilib yotgan qizcha peshayvonda paydo bo‘lguncha davom etdi. U ko‘rinish berishi bilan qushlar tinchlandi, sho‘xchan g‘imirlab, o‘z quvonchlarini izhor etgan bo‘ldi. Ayrimlari yerga sho‘ng‘ib, lapanglagancha, eshikka yaqinroq kelishgacha jur’at etdi. Bir muddatdan so‘ng esa ishkom tagiga yong‘oqlarning birin-sirin tirsillab tushgani eshitila boshlandi.