Fan: O’qish. Sana: 10. 2019 –yil Mavzu: Qizcha va qarg‘alar. N. Norqobilov. 1-qism

1.O’tilgan darsni so’rash.

1. „Oltin kuzim” she'ri ifodali yod ayttiriladi va o'qitiladi.

2. O'qituvchi o'quvchilarning oldingi darslarda olgan bilimlarini mustahkamlash maqsadida kuz haqida, uning noz-ne'matlari haqida suhbat o'tkazadi.

2.Yangi mavzu bayoni.

N.Norqobilovning “ Qizcha va qarg‘alar” matnini ifodali o`qib beraman:

Kuz. Bu hovliga ko‘chib kelishganlariga hafta bo‘lmay, Hanifaning diqqatini bir juft qarg‘aning harakati tortdi. Hovli etagida tagi betonlangan baland ishkom bo‘lib, qarg‘alar ish- komga qo‘ngancha, qayerlardandir o‘marib kelgan yong‘oqlarini o‘sha keng beton yo‘lakka tashlab, so‘ng chaqilgan yong‘oq mag‘izlarini bitta qoldirmay terib yerdi. Hovli sharoitiga endi ko‘nika boshlagan qizaloq dastlab shun- chaki tomoshabin bo‘lib yurdi. So‘ng bir kuni qarasaki, qarg‘alar bir yong‘oqni chaqolmay ovora bo‘lyapti. Bu holni peshayvon derazasidan kuzatib turgan qizchaning qushlarga rahmi kelib ketdi. Ishkom tomon yugurdi. Qushlar hurkib havoga ko‘tarildi, biroq yerda yotgan „qaysar meva“ni ko‘zlari qiymay, qayta ishkomga qo‘ndi, qag‘illashib, o‘z noroziliklarini bildirdi. Qizcha yo‘lak chekkasida yotgan tosh bilan yong‘oqni chaqdi, dastlab o‘zi yemoqchi bo‘ldi, so‘ng fikridan qaytib, kaftidagi chaqilgan mag‘izni yerga tashladi-da, o‘zi sal nariga borib turdi. Birozdan so‘ng birinchi qarg‘a hadik bilan yerga sho‘ng‘idi, ortidan ikkinchisi va ular birpasda yong‘oq mag‘zini yeb bitirdi.