Fan: Matematika Sana: Sinf

Dars metodi: an’anaviy, savol-javob,suhbat

Dars jihozi: darslik,mavzuga oid rasmlar,tarqatma materiallar, ko’rgazmali qurollar, notebook, multimedia.

Darsning borishi

T/R	Bo’limlar	Vaqti
1	Tashkiliy qism	3 daqiqa
2	O`tgan mavzuni mustahkamlash	5 daqiqa
3	Yangi mavzu bayoni	15 daqiqa
4	Yangi mavzuni mustahkamlash	10 daqiqa
5	O`quvchilarni rag`batlantirish. Darsni yakunlash.	10 daqiqa
6	Uyga vazifa	2 daqiqa
Jami		45 daqiqa

I.Tashkiliy qism.
a)O’quvchilar bilan salomlashish, davomatni aniqlash, navbatchi axboroti. o’tkazish .

b) Ma’naviyat daqiqasini o’tkazish.

II.O’quvchilar bilan o’tgan mavzuni takrorlash.
O’tgan mavzuni takrorlash.

Uyga berilgan vazifa parta oralab tekshirib chiqiladi. O`quvchilarning qo`l motorikasining shakllanishi o`rganiladi.Partada o`tirish qoidalari, ruchkalarni to`g`ri ushlash qoidalari takrorlanadi.To`g`ri va chiroyli yozgan o`quvchilarning daftarlari namuna qilib ko`rsatiladi.O`rganilgan mavzular yuzasidan qisqa takrorlash o`tkaziladi.

Bundan tashqari “Ko`zlar uxlayapti, qo`llar ishlayapti” o`yini o`ynatiladi. O`qituvchi turli xil predmetlarni ko`rsatadi. O`quvchilar uning uzun-qisqaligi, katta-kichikligini eslab qoladilar. So`ng barchasi xaltachaga solinadi. O`quvchilar ko`zlari yumuq holda xaltachadan tanlab olingan predmetlarni aytib o`tadi.

III.Yangi mavzu bayoni:

So`ng yangi mavzu o`qituvchi tomonidan e`lon qilinadi. Yangi mavzu ekran orqali yoki rasmlar yordamida tanishtiriladi. Ekranda yoki rasmlar orqali predmetlar navbat bilan ko`rsatiladi.

O`quvchilar predmetlar nomini aytadilar va sanaydilar: bitta koptok, ikkita quyon, uchta choynak, to`rtta anor, beshta nok, oltita olma, yettita jo`ja, sakkizta o`rdak, to`qqizta qo`ng`iz, o`nta kubik kabi.

Ularning ketma-ketligini aniqlash uchun “Quyondan avval nima turibdi? Undan keyinchi? Jo`ja nechanchi o`rinda turibdi? ” kabi savollar beriladi. Berilgan predmetlarning rangi ham o`quvchilar bilan birgalikda savol-javob qilinadi.Shu o`rinda kop`tokdan qanday maqsadda foydalaniladi, mevalarning inson hayotidagi o`rni haqida suhbat o`tkazish maqsadga muvofiq. Quyon qanday hayvon ekanligi, jo`ja va o`rdak nimasi bilan o`xshashligi so`raladi.

O`quvchilar bilan dam olish daqiqasi o`tkaziladi.

Kulrang g`ozlar uchdilar,

Ko`lmakchaga qo`ndilar.

U yon-bu yon qarashib,

Yana uchib ketdilar.1,2,3...
IV. Mustahkamlash.

Yangi mavzuni mustahkamlash uchun o`quvchilar bilan darslikdagi rasmlar asosida ishlar olib boriladi. Darslikning 12-sahifasida ko`rsatilgan geometrik shakllar o`quvchilarga tanishtiriladi.

Geometrik shakllardan narsalar yasab ko`rsatiladi va ranglari aniqlanadi.

“Nima o`zgardi?” o`yini ham o`tkaziladi.

Har xil rangdagi, kattaligi har xil bo`lgan meva va shakllarning rasmi stol ustiga qo`yiladi. Dastlab o`yinni o`quvchilarning qobiliyatiga qarab o`tkazish mumkin. O`quvchi teskari qarab turadi. O`qituvchi stoldagi predmetlarning birortasini oladi yoki urgan o`rnini o`zgartiradi. O`quvchi nima o`zgarganini topishi kerak bo`ladi. O`yin shu tariqa davom ettiriladi.

So`ng “Matematika daftari” bilan ham ishlanadi. Dastlab o`qituvchi tomonidan berilgan topshiriqlar doskada tushuntiriladi. So`ng o`quvhilar tomonidan bajartiriladi. O`quvchilarga amaliy yordam ham berib boriladi.

V. O`quvchilarni baholash.

Darsda faol qatnashgan o`quvchilar baholanadi.

VI. Uyga vazifa berish, darsni yakunlash:

Uyga vazifa matematika daftaridagi topshiriqlarni bajarib kelish topshiriladi. Dars yakunlandi.

“Ko`rib chiqildi va tasdiqlandi”

O`TIBDO`: ________ Sana _____________