Фан бўйича бажариладиган мустақил иш топшириқлари

Кичик илмий иш (реферат ва ёзама иш)га қўйиладиган талаблар: 
Кичик илмий иш (реферат ва ёзма иш) мавзуни танлаш, режа тузиш, 
материал тўплаш, уни ўрганиш ва тизимлаш, ишни расмийлаштириш каби 
боскичларда олиб борилади. 
Мавзуни танлашда талабанинг ўз қизиқишига ушбу мавзуга оид 
адабиётларнинг борлиги, илмий ишланганлик даражаси, амалий аҳамиятига 
эътибор бериш керак. Режа тузаётганда батафсил ҳар бир параграф бўйича 
саволномалар ёзиб чиқиш, уларни манбалар ва адабиётлар билан 
таъминланганлигига эътибор қилиш керак. 
Материал тўплашда мавзу билан дарсликлар, ўқув қўлланмалар, қомусий 
луғатлар ёрдамида умумий танишиб чиқилади. Бунда танланган мавзунинг 
фандаги ўрни, хронологик чегараси, унинг бошқа мавзулар билан ўзаро 
алоқадорлиги, муаммо бўйича манбаларни аниқлаш, илмий адабиётларни 
нашр йили ёки алифбе кетма-кетлигида жойлаштириш лозим. 
Режа асосида мавзу устида ишлашда унинг долзарблигига аҳамият бериб 
манбалар ва адабиётлар ишлаб чиқилади. Улардан олинган маълумотларнинг 
муаллифлари, асарнинг номи, бетлари албатта кўрсатилиши керак.
Реферат ва ёзма ишни расмийлаштиришда унда титул варақи, кириш 
қисми, бўлимлари, хулоса, фойдаланилган адабиётлар рўйҳати бўлишига 
эътибор бериш керак. Реферат қўлёзма шаклида бажарилиши ва ҳимоя 
қилиниши лозим. 
 
Талабаларнинг оғзаки ва ёзма ишларига қўйиладиган умумий талаблар: 
1. Илмий тушунчалар, илмий сўз бойлигига эга бўлиши; 
2. Жавобнинг тўлиқлиги, унинг асосланганлиги, ва исботланганлиги, 
тизимлилиги; 
3. Назарияни амалиёт билан боғлай олиш. 
Мустақил таълимни ташкил этишнинг шакли ва мазмуни 
Мустақил таълим қуйидаги шаклларда ташкил этилади:
 
мавзуларни норматив-ҳуқуқий ҳужжатлар ва ўқув адабиётлари 
ёрдамида мустақил ўзлаштириш;
 
мавзулар бўйича реферат тайёрлаш;
 
семинар ва амалий машғулотларга тайёргарлик кўриш;
 
илмий мақола ва тезисларни тайёрлаш;
 
фаннинг долзарб муаммоларини қамраб олувчи лойиҳалар 
тайёрлаш;
 
назарий билимларни амалиётда қўллаш;
 
амалиётдаги мавжуд муаммоларнинг ечимини топиш;
 
ўрганилаётган мавзу бўйича асосий илмий адабиётларга 
аннотация ёзиш ва бошқалар.
Таълим жараёнида инновацион технологияларни, ўқитишнинг 
интерфаол усулларини қўллаш талаба томондан мустақил танланади. 

---

Талабаларнинг мустақил таълимини ташкил этиш тизимли тарзда, яъни 
узлуксиз ва узвий равишда амалга оширилади. Талаба олган назарий 
билимини мустаҳкамлаш, шу билан бирга навбатдаги янги мавзуни пухта 
ўзлаштириши учун мустақил равишда тайёргарлик кўриши керак.