Фалсафий атамалар (глоссарий) Агностицизм – инсон объектив борлиқни тўлиқ билиши мумкин эмас, деб ҳисоблайдиган фалсафий таълимот. Антисциентизм

Субстанция – биринчи асос, барча нарсалар ва ҳодисаларнинг моҳияти.
Сциентизм – маданият тизимида, жамият ҳаётида фан ролини мутлақлаштириш.
Табу – бирон-бир нарса, ҳаракат, сўзга нисбатан белгиланадиган диний тақиқ.
Теология – диний таълимотлар тизими.
Теоцентризм – дунёни тушуниш марказига Худони қўювчи фалсафий ёндашув.
Техноген – техника билан боғлиқ, унинг таъсири билан белгиланган.
Технократик – техникани биринчи ўринга қўювчи.
Технооптимизм – турли муаммоларни ечишда фан-техника тараққиётининг ролини ошириб кўрсатувчи фалсафий ёндашув.
Технопессимизм – фан-техника тараққиётини жамият ва табиат таназзулининг манбаи ва омили деб эълон қилувчи фалсафий ёндашув.
Технотрон жамият – компьютер инқилоби босқичига кирган жамият.
Трансцендентал – ўта умумий.
Универсум – ягона Олам, яхлит дунё.
Фауна – барча турдаги ҳайвонлар мажмуи.
Феномен – инсонга ҳиссий билиш тажрибасида берилган ҳодиса.
Феноменология – бевосита кузатиш мумкин бўлган идеал моҳиятлар сифатидаги феноменлар ҳақидаги фалсафий таълимот.
Флора – ўсимликлар дунёси.
Флуктуация – ўзгариш, белгиланган параметрлардан тасодифий оғиш.
Футурология – келажак ҳақидаги фан.
Эволюцион эпистемология – билишни жонли табиат эволюциясининг моменти ва унинг маҳсули сифатида ўрганувчи фан.
Эвристик – ижодий, номаълум нарсалар ва ҳодисаларни билишда сакрашни амалга оширувчи.
Эгалитаризм – умумий тенгликни тарғиб қилувчи ғоявий-сиёсий оқим.
Экзистенциализм – диққат марказида ҳаётнинг маъноси, инсон эркинлиги ва масъулияти муаммолари турувчи фалсафий йўналиш.
Экология – жонли мавжудотларнинг ўзини қуршаган муҳит билан ўзаро муносабатлари ҳақидаги фан.
Экологик муаммо – жонли организмларнинг атроф муҳит билан мувозанатининг бузилиши.