Фалсафий атамалар (глоссарий) Агностицизм – инсон объектив борлиқни тўлиқ билиши мумкин эмас, деб ҳисоблайдиган фалсафий таълимот. Антисциентизм

Aim.Uz

Фалсафий атамалар (глоссарий)


Агностицизм – инсон объектив борлиқни тўлиқ билиши мумкин эмас, деб ҳисоблайдиган фалсафий таълимот.
Антисциентизм – фаннинг жамият ҳаётидаги роли ва аҳамиятини салбий баҳолайдиган фалсафий нуқтаи назар.
Антропоген – инсон фаолияти билан боғлиқ.
Антропоцентризм – дунёни билишда инсонни устун қўювчи фалсафий ёндашув.
Априор – тажрибадан ташқарида. Инсон тафаккурида тажрибада кўрилгунга қадар, тажрибадан қатъий назар пайдо бўлган образ, ғоя, тушунча.
Атеизм – худонинг борлигини инкор этувчи фалсафий нуқтаи назар.
Атрибут – хосса.
Белги – бошқа бир предмет, хосса ёки муносабатни ифодалайдиган ва муайян хабарни узатиш, сақлаш ёки унга ишлов беришда ишлатиладиган моддий, ҳиссий идрок этиладиган предмет.
Гармония – бир бутун нарса қисмларининг ўзаро мувофиқлиги.
Герменевтика – фалсафада – тарих, маданиятни, ўзга индивидуалликни тушуниш санъати.
Гипотетик – эҳтимол тутилган, фараз қилинган, тахмин (гипотеза)га асосланган.
Глобаллашув – ижтимоий ҳаётнинг турли жабҳаларида яхлит тузилмаларнинг дунё миқёсида шаклланиш жараёни.
Глобалистика – глобаллашув ва унинг оқибатлари моҳиятини англаб етишга қаратилган илмий ва фалсафий тадқиқотлар фанлараро соҳаси.
Гносеология – билиш назарияси.
Дедукция – тадқиқот ёки тавсифлаш методи, усули бўлиб, бунда айрим қоидалар умумий хулосалар, аксиомалар, қоидалар, қонунлардан тадрижий йўл билан келтириб чиқарилади.
Дезинтеграция – бутуннинг айрим қисмларга парчаланиши.
Деизм – Худо дунёни яратгач, унда иштирок этмайди ва унинг воқеалари табиий кечишига аралашмайди, деб ҳисоблайдиган фалсафий нуқтаи назар.
Детерминизм – барча воқеалар ва ҳодисаларнинг қонунийлиги ва сабабий боғланганлиги ҳақидаги фалсафий таълимот.
Диалектика – ҳаракат, ривожланиш, ўзгариш ҳақидаги фалсафий таълимот.