«fаlsаfа» modulidan oʼquv-uslubiy mаjmuа

FАLSАFIY АTАMАLАR (GLOSSАRIY)
Аgnostittsizm – inson obʼektiv borliqni toʼliq bilishi mumkin emas, deb hisoblaydigan falsafiy taʼlimot.
Аntistsientizm – fanning jamiyat hayotidagi roli va ahamiyatini salbiy baholaydigan falsafiy nuqtai nazar.
Аntropogen – inson faoliyati bilan bogʼliq.
Аntropottsentrizm – dunyoni bilishda insonni ustun qoʼyuvchi falsafiy yondashuv.
Аprior – tajribadan tashqarida. Inson tafakkurida tajribada koʼrilgunga qadar, tajribadan qatʼiy nazar paydo boʼlgan obraz, gʼoya, tushuncha.
Аteizm – xudoning borligini inkor etuvchi falsafiy nuqtai nazar.
Аtribut – xossa.
Belgi – boshqa bir predmet, xossa yoki munosabatni ifodalaydigan va muayyan xabarni uzatish, saqlash yoki unga ishlov berishda ishlatiladigan moddiy, hissiy idrok etiladigan predmet.
Garmoniya – bir butun narsa qismlarining oʼzaro muvofiqligi.
Germenevtika – falsafada – tarix, madaniyatni, oʼzga individuallikni tushunish sanʼati.
Gipotetik – ehtimol tutilgan, faraz qilingan, taxmin (gipoteza)ga asoslangan.
Globallashuv – ijtimoiy hayotning turli jabhalarida yaxlit tuzilmalarning dunyo miqyosida shakllanish jarayoni.
Globalistika– globallashuv va uning oqibatlari mohiyatini anglab etishga qaratilgan ilmiy va falsafiy tadqiqotlar fanlararo sohasi.
Gnoseologiya – bilish nazariyasi.
Deduktsiya – tadqiqot yoki tavsiflash metodi, usuli boʼlib, bunda ayrim qoidalar umumiy xulosalar, aksiomalar, qoidalar, qonunlardan tadrijiy yoʼl bilan keltirib chiqariladi.
Dezintegrattsiya – butunning ayrim qismlarga parchalanishi.
Deizm – Xudo dunyoni yaratgach, unda ishtirok etmaydi va uning voqealari tabiiy kechishiga aralashmaydi, deb hisoblaydigan falsafiy nuqtai nazar.
Determinizm – barcha voqealar va hodisalarning qonuniyligi va sababiy bogʼlanganligi haqidagi falsafiy taʼlimot.