«fаlsаfа» modulidan oʼquv-uslubiy mаjmuа

II-BOʼLIM. MUSTАQIL TАЪLIM
KIRISH
Kadrlar tayyorlash milliy dasturida chuqur nazariy va amaliy bilimlar bilan bir qatorda tanlagan sohasi boʼyicha mustaqil faoliyat koʼrsata oladigan, oʼz bilimi va malakasini mustaqil ravishda oshirib boradigan, masalaga ijodiy yondoshgan holda muammoli vaziyatlarni toʼgʼri aniqlab, tahlil qilib, sharoitga tez moslasha oladigan mutaxassislarni tayyorlash asosiy vazifalardan biri sifatida belgilangan.
Tajribalar shuni koʼrsatadiki, talaba mustaqil ravishda shugʼullansa va oʼz ustida tinimsiz ishlasagina bilimlarni chuqur oʼzlashtirishi mumkin. Talabalarning asosiy bilim, koʼnikma va malakalari mustaqil taʼlim jarayonidagina shakllanadi, mustaqil faoliyat koʼrsatish qobiliyati rivojlanadi va ularda ijodiy ishlashga qiziqish paydo boʼladi.
Talaba mustaqil ishi – muayyan fandan oʼquv dasturida belgilangan bilim, koʼnikma va malakaning maʼlum bir qismini talaba tomonidan fan oʼqituvchisi maslahatlari va tavsiyalari asosida auditoriyada va auditoriyadan tashqarida oʼzlashtirilishiga yoʼnaltirilgan tizimli faoliyatdir.
Mustaqil taʼlimning asosiy maqsadi pedagog-xodimning rahbarligi va nazorati ostida talabada muayyan oʼquv ishlarini mustaqil ravishda bajarish uchun zarur boʼlgan bilim va koʼnikmalarni shakllantirish va rivojlantirishdir.
Mustaqil taʼlimning vazifalari quyidagilardan iborat:
–kerakli maʼlumotlarni izlab topish, bilim olish va uni mustahkamlashning qulay usullari va vositalarini aniqlash;
–axborot manbalari va manzillaridan samarali foydalanish;
–anʼanaviy oʼquv va ilmiy adabiyotlar, meʼyoriy hujjatlar bilan ishlash;
–elektron oʼquv adabiyotlar va maʼlumotlar banki bilan ishlash;
–yangi bilimlarni mustaqil tarzda puxta oʼzlashtirish koʼnikmalariga ega boʼlish;
–Internet tarmogʼidan maqsadli foydalanish, berilgan topshiriqningRatsional yechimini belgilash;
–maʼlumotlar bazasini tahlil etish;
–ish natijalarini ekspertizaga tayyorlash va ekspert xulosasi asosida qayta ishlash, topshiriqlarni bajarishda tizimli va ijodiy yondoshish;
–ishlab chiqilgan yechim, loyiha yoki gʼoyani asoslash va mutaxassislar jamoasida himoya qilish.