Falsafa” kafedrasi «G‘oyalar falsafasi» fanidan o‘quv-uslubiy majmua toshkent-2011

a) ijtimoiy-siyosiy, ma’naviy-ma’rifiy muxit. Yoshlarda sog‘lom e’tiqod va yuksak dunyoqarashning shakllanishi uchun ma’lum muxit ham zarur. O‘zbekistonda bu borada ulkan ishlar amalga oshirilmoqda. Prezidentimiz Islom Karimov tomonidan mustaqillikning dastlabki kunlaridanoq milliy qadriyatlarimizni tiklash, tariximizni xolis va chuqur o‘rganish, buyuk ajdodlarimiz xotirasini yod etish, boy ilmiy – adabiy merosini o‘rganish, xalq ma’naviyatini yuksaltirish, milliy siyosatimizning ustuvor yo‘nalishlaridan biriga aylanadi. Ijtimoiy va siyosiy institutlar – davlat va nodavlat tashkilotlari, siyosiy partiyalar, iqtidorli yoshlarni qo‘llab-quvvatlovchi jamg‘armalarning tashkil etilishi o‘ziga xos ijtimoiy muxitni shakllantiradi. Bu esa o‘z navbatida yoshlarning buyuk kelajak bunyodkori bo‘lib voyaga yetishda muhim o‘rin tutmoqda.
b) sog‘lom g‘oyalar. O‘zbekiston o‘z mustaqilligini qo‘lga kiritgach davlatimiz rahbari tomonidan ilgari surilgan, xalq tomonidan e’tirof etilgan ilg‘or g‘oyalar bugungi kunda shunday faol kuchga aylanganki, ular yoshlarning psixologik va ijtimoiy ehtiyojlariga to‘la javob beradi. Zero, Vatanning ravnaqi, yurtning tinchligi, xalq farovonligi, millatlararo totuvlik, ijtimoiy hamkorlik, komil inson tarbiyasi uchun yaratilgan sharoitlar, aynan kelajagimiz bo‘lgan yoshlarning manfaati uchun xizmat qiladi.
v) siyosiy ong va huquqiy madaniyatning o‘sishida siyosiy partiyalarning o‘rni va ahamiyati katta. Ular o‘z faliyati bilan fikrlar xilma-xilligi va qarashlar rang-barangligiga asoslangan demokratik jamiyat barpo etish g‘oyasining amalga oshishiga xizmat qiladi.
O‘zbekistondagi har bir partiya o‘z dasturiy maqsadlarini ro‘yobga chiqarish uchun huquqiy asos va qonuniy kafolatlarga ega. Fuqarolar uchun qaysi siyosiy partiyaning qarashlariga qo‘shilishi yoki qo‘shilmasligi ixtiyoriy bo‘lib, bunday erkinlik yoshlarning fikrlashga, o‘zicha mustaqil yo‘l tanlashga xizmat qiladi. Har bir partiyaning o‘z dasturiy g‘oyalarini hayotga tatbiq etish jarayonida milliy istiqlol mafkurasining asosiy tamoyilliriga amal qilishi hayotning bosh mezonidir. Chunki xalq manfaatlari, istiqlol g‘oyalari, qaysi siyosiy va mafkuraviy kuchga mansubligidan qat’iy nazar, barcha yurtdoshlarimiz uchun muqaddasdir.
Fuqarolarning huquqiy madaniyatini yuksaltirish chinakam demokratik fuqarolik jamiyati qurishning muxim omili. Bu o‘rinda shuni ta’kidlash joizki, shaxsning huquqiy ongi, yuksak bilimi yetarli bo‘lishi, lekin unda huquqiy madaniyat yetishmasligi, u fuqaro sifatida xalqi va Vatani oldida burch va mas’uliyatini teran anglamasligi mumkin. Shuning uchun ham fuqarolar, ayniqsa yoshlarda, huquqiy madaniyatni yuksaltirish mafkuraviy tarbiyaning muxim shartidir.
Huquqiy madaniyatni shakllantirish omillari quyidagilardir:
huquqiy madaniyatga oid ommabop adabiyotlar;
ta’lim muassasalarida huquqiy madaniyatga oid maxsus o‘quv kurslari;
ijtimoiy muloqotlik huquqiy tamoyillari mavzuiga oid tadbirlar;
mustaqillikning inson manfaatlariga qaratilgan huquqiy asoslarini keng xalq ommasi orasida targ‘ib etish va boshqalar.