Ғалла экинлари

Dukkakli don ekinlarini urug’iga qarab aniqlash.

Urug’ining yon tomoni sirtida o’ziga xos tuzilmalar bo’lib, ular sistematik belgi hisoblanadi va tashqi kurinishidan bir – biriga o’xshab ketadigan urug’larni aniqlashni yengillashtiradi. Urug’larning bir – biridan farq qiladigan tuzilmalarning biri – urug’ kertigi, ya’ni urug’ bandining urug’ rivojlanib chiqadigan urug’ ko’rtakka birikadigan joyida. Urug’ yetilganidan keyin ana shu joyda dukkak pallasidan ajraladi. Har – xil dukaklilarning urug’ kertiga katta – kichikligi, rangi, shakli va xolati bilan bir- biridan farq qiladi u kutikula bilan koplanmagan bo’ladi, shuning uchun urug’ buktirilganda usha kertik orkali urug’ ichiga suv kiradi. Urug’ kertigining o’rtasida kertik izi, ya’ni urug’ko’rtak tolali naychalar boglamining izi bo’ladi. Urug’ kertigining bir uchida urug’ga kirish izi ya’ni mikropileni – urug’ko’rtak urug’langanda unga chang naychasining kirish joyini kurish mumkin, ikkinchi uchida urug’ko’rtakning asosi bo’lgan xalazani, ya’ni burtikcha yoki dogchalar kurinishidagi tuzilmalarni kurish mumkin. Mikropile loviya urug’larining kertigida yaxshi seziladigan bo’ladi.

Dukakli o’simliklar urug’ining mo’rtagi urug’ning ikkita yarmidan iborat bo’lgan ikkita urug’palladan tashkil topgan bo’lib, ular bir tomondan ochiladi, ikkinchi tomondan esa urug’ kertigi yonida tutashgan bo’ladi. Urug’pallalilar urug’ kertigi bilan tutashgan joyda mo’rtak ildizchasi bilan ko’rtakcha bo’ladi. Bazi dukkakli ekinlar urug’ugining ko’rtakchasi ancha baquvvat rivojlangan va dastlabki ikkita chinbarg boshlangichiga ega bo’ladi, o’simlikning o’sish nuqtasi shularning orasida bo’ladi. Urug’ning tuzilishini bo’rtgan urug’lardan ko’rish eng qulay bo’ladi. Bundvy urug’larning po’sti oson ajraladi va mo’rtagining barcha qismi yaxshi ko’rinib turadi.

Dukkakli don ekinlarining urug’i tashqi belgilariga qarab bir biridan farq qiladi. Biroq ayrim tur o’simliklar urug’ining o’ziga xos belgilari bilan birmuncha batafsil tanishib chiqish uchun 16- jadvaldagi malumotlardan foydalanish mumkin.