Факултети Ўзбек тили ва адабиёти

Муаммонинг ўрганилганлик даражаси. Бугунги кунга қадар ўзбек ва жаҳон тилшунослигида терминалогия ва унинг назарий масалалари хусусида кўплаб тадқиқот ишлари амалга оширилган. Жаҳон тилшунослигида Г.О.Винокур, В.В.Виноградов, А.А.Реформацкий, О.С.Ахманова, А.М.Шербак, А.Н.Кононов, Е.А.Колесникова кабиларнинг ишларида терминология масалалари тадқиқ қилинган. Ўзбек тилшунослигида терминология соҳаси ХХ асрнинг 30 йилларидан ривожлана бошлади. Мустақиллик йилларида бу соҳада кўплаб тадқиқотлар амалга оширилди. Хусусан, Ҳ.Дадабоев, И.Х.Содиқова, С.Х.Нурматова, О.Турсунова, П.П.Нишонов, О.С.Аҳмедов, Д.Х.Қадирбекова ҳамда Ҳ.В.Мирзаҳмедоваларнинг тадқиқотлари шулар жумласидандир. Айнан тилшунослик терминлари тадқиқи эса Л.В.Решетова, А.Ҳожиев, И.М.Якубов, А.Н.Ражабов, С.Т.Мустафаева, Д.И.Ходжаева, И.Р.Эрматовлар томонидан олиб борилган.
Назарий-методологик курснинг мақсад ва вазифалари. Мазкур тадқиқотнинг мақсади Алишер Навоийнинг “Лайли ва Мажнун” достони терминларини аниқлаш, уларни лингво-когнитив таҳлил қилишдан иборат.
Мақсадга кўра қуйидаги вазифалар белгиланди:

• 
  Терминологик тадқиқотларнинг назарий асосларини ўрганиш;
  
• 
  бадиий асар терминларининг ўрганилишини тадқиқ қилиш;
  
• 
  Алишер Навоий “Лайли ва Мажнун” достони терминларини аниқлаш ва лисоний-когнитив жиҳатдан текшириш;
  
• 
  Терминнинг хусусиятлари ва унинг матн билан алоқасини текшириш;
  
• 
  Алишер Навоий “Лайли ва Мажнун” достони терминларини морфологик-синтактик хусусиятларини ўрганиш;
  
• 
  Алишер Навоий асарларида қўлланилган терминларни таҳлил қилишнинг назарий асосларини яратиш.
  

Назарий-методологик курс бўйича Эгалланиши лозим бўлган билим ва кўникмалар.

• 
  Тадқиқот мавзусига доир илмий-назарий қарашларни ўзлаштириш;
  
• 
  Алишер Навоий “Лайли ва Мажнун” достони терминларининг лингво-когнитив таҳлилига оид хулосалар чиқариш;
  
• 
  Алишер Навоий асарлари таркибидаги атамаларни аниқлаб, кенг ўқувчилар оммасига таништириш;
  
• 
  Ижодкорлар ижодида мавжуд лексик бойликларни тил тараққиётига хизмат қилишига оид хулосалар чиқариш.