Fakulteti ta’lim yo‘nalishi

Mavzuning dolzarbligi: Mamlakatimiz miqyosida elektron kutubxonalar yaratishga kirishilgan bo‘lishiga qaramay, ularning rivojlanish darajasi oshishi uchun tashkiliy ta’minotni to‘g‘ri tashkil etilishi muhim sanaladi. Elektron kutubxonalarni shakllantirishda, rivojlanishning yangi bosqichiga olib chiqishda uning tashkiliy ta’minoti, shakl va uslublarini ishlab chiqish, O‘zbekistonda mavjud axborot- kutubxona muassasalari boshqaruvi faoliyatini yengillashtirish, kutubxona jarayonlarini tez va sifatli amalga oshirishni to‘g‘ri yo‘lga qo‘yish, xodimlarning ish o‘rinlari, vazifalarini to‘g‘ri taqsimlash va kutubxona ishini samarali tashkil etish dolzarb muommolardan biri hisoblanadi.
Ishning maqsadi va vazifalari: Elektron kutubxona yaratishning tashkiliy ta’minoti, shakl va uslublarini ishlab chiqish, mamlakatimizda mavjud axborot- kutubxona muassasalari elektron kutubxona jarayonlarini tez va sifatli amalga oshirishni to‘g‘ri yo‘lga qo‘yish, xodimlarning ish o‘rinlari, vazifalarini to‘g‘ri taqsimlash va kutubxona ishini samarali tashkil etishning yo‘llarini ko‘rsatib berishdan iborat. Ishning asosiy vazifalari elektron kutubxona yaratish texnologiyalari va tashkiliy aspektlari tahlilini amalga oshirish, elektron kutubxona yaratishning tashkiliy ta’minoti sxemasini shakllantirish, zamonaviy shoirlaming elektron kutubxonasi ma’lumotlar bazasini yaratish hamda dasturiy tashkiliy ta’minot dasturi vositasini ishlab chiqishdan iborat.
Tadqiqot obyekti va predmeti: Obyekti - axborot-kutubxona muassasalarida elektron kutubxonalar yaratish jarayoni. Predmeti- elektron kutubxona yaratishning tashkiliy ta’minoti, shakl, uslub va vositalari, dasturlash tillari.
Tadqiqot uslubiyati va uslublari: Tizimli-struktur, tasnifiy, komponent tahlil, matematik statistika, dasturiy ta’minotlarni loyihalash va ma’lumotlar bazasini yaratish usullari.
Tadqiqot natijalarining ilmiy jihatdan yangilik darajasi: Elektron kutubxona yaratish texnologiyalari va uning tashkiliy tuzilmalarini tahlil qilish, axborot-kutubxona muassasalarida elektron kutubxona yaratishning tashkiliy ta’minotini shakllantirish, zamonaviy shoirlarning elektron kutubxonasini yaratish, axborot-kutubxona muassasalari tashkiliy ta’minoti dasturiy ta’minotini ishlab chiqish.