Fakultet: Muhandislik Komunikatsiyalari Qurilishi Kafedra: Bino va inshootlar kadastri

O’zbekiston Respublikasi Qurilish Vazirligi Mirzo Ulug’bek Nomidagi Samarqand Davlat Arxitektura Qurilish Instituti MUSTAQIL ISH

Fakultet:Muhandislik Komunikatsiyalari Qurilishi

Kafedra:Bino va inshootlar kadastri

Fan:Davlat kadastri obyektlari yig’ma jildi

Bajardi:Sayfullayev Sohibjon

Qabul qildi:Tojidinova Farangiz

Ko’chmas mulk kadastir ma’lumotlarini tayyorlash

• Reja
• 1. Ko‘chmas mulk obyektiga kadastr yig‘majildini tayyorlash qoidalari 
• 2. Kadastr yig’ma jildi mazmuni va mohiyati

Ko‘chmas mulk obyektlariga kadastr yig‘majildini tayyorlash
QOIDALARI
Mazkur Qoidalar O‘zbekiston Respublikasining “Davlat kadastrlari to‘g‘risida”gi Qonuni, O‘zbekiston Respublikasi Vazirlar Mahkamasining 1997-yil 2-iyundagi 278-son “O‘zbekiston Respublikasida binolar va inshootlar davlat kadastrini yuritish to‘g‘risida”gi, 1998-yil 31-dekabrdagi 543-son “O‘zbekiston Respublikasida davlat yer kadastrini yuritish to‘g‘risida”gi va 2014-yil 7-yanvardagi 1-son “Ko‘chmas mulkka bo‘lgan huquqlarni davlat ro‘yxatidan o‘tkazish tartibini takomillashtirish to‘g‘risida”gi qarorlariga muvofiq ko‘chmas mulk obyektlariga kadastr yig‘majildini tayyorlash qoidalarini belgilaydi.
1. Mazkur Qoidalarda quyidagi asosiy tushunchalar qo‘llaniladi:
bino — funksional maqsadiga qarab odamlar yashashi yoki bo‘lishiga va har xil turdagi ishlab chiqarish jarayonlarini bajarishga mo‘ljallangan, yopiq hajmni tashkil etuvchi tayanch, to‘sma yoki har ikkala maqsadga xizmat qiluvchi konstruksiyalardan iborat qurilish tizimi;
yer uchastkasi — yer yuzasining qayd etilgan chegaraga, maydonga, joylashish manziliga, huquqiy rejimga hamda davlat yer kadastrida va yer uchastkasiga bo‘lgan huquqlarni davlat ro‘yxatidan o‘tkazishga oid hujjatlarda aks ettiriladigan boshqa xususiyatlariga ega bo‘lgan qismi;
inshoot — har xil turdagi ishlab chiqarish jarayonlarini bajarishga, materiallar, buyumlar, asbob-uskunalarni saqlashga, odamlarning vaqtincha bo‘lishiga, odamlar, yuklar va boshqa narsalarni olib o‘tishga mo‘ljallangan, tayanch, to‘sma yoki har ikkala maqsadga xizmat qiluvchi konstruksiyalardan iborat hajmiy, yassi yoki chiziq tarzidagi yer tepasida, yer yuzasida va yer ostida joylashgan qurilish tizimi;