Fakultet: geografiya va tabiiy resurslar mustaqil ish mavzu: erkin iqtisodiy zonalar

7-modda. Maxsus iqtisodiy zona hududida joylashgan davlat mulki obyektlarini boshqarish

Maxsus iqtisodiy zonalar bo‘sh turgan va faoliyat ko‘rsatmayotgan davlat mulki obyektlari, ma’muriy-hududiy tuzilmalar hududlari negizida, shuningdek qishloq xo‘jaligiga mo‘ljallanmagan yerlarda tashkil etiladi.

Maxsus iqtisodiy zona hududida joylashgan davlat mulki obyektlari mahalliy davlat hokimiyati organlarining o‘z vakolati doirasidagi qaroriga ko‘ra maxsus iqtisodiy zona direksiyasiga davlat aktivlarini boshqarish bo‘yicha vakolatli organ bilan kelishgan holda operativ boshqaruvga berilishi mumkin, bundan xususiylashtirilmaydigan strategik davlat mulki obyektlari mustasno. Davlat mulki obyektlari maxsus iqtisodiy zona direksiyasiga maxsus iqtisodiy zona faoliyat ko‘rsatadigan butun davr uchun operativ boshqaruvga beriladi.

Maxsus iqtisodiy zonaning ma’muriy kengashi maxsus iqtisodiy zona hududida joylashgan bo‘sh turgan va faoliyat ko‘rsatmayotgan davlat mulki obyektlarini maxsus iqtisodiy zona ishtirokchilariga, investitsiya majburiyatlari qabul qilingan holda, realizatsiya qilish, shu jumladan “nol” xarid qiymati bo‘yicha realizatsiya qilish to‘g‘risida qaror qabul qilishga haqli.

Qishloq xo‘jaligiga mo‘ljallangan yerlar alohida hollarda faqat qishloq xo‘jaligi mahsulotlari va dorivor o‘simliklar yetishtirish maqsadida farmatsevtika hamda agrar yo‘nalishdagi maxsus iqtisodiy zonalar uchun berilishi mumkin. Boshqacha faoliyatga va tarmoq ixtisoslashuviga ega bo‘lgan maxsus iqtisodiy zonalarga qishloq xo‘jaligiga mo‘ljallangan yerlar O‘zbekiston Respublikasi Prezidentining alohida qarorlariga binoan berilishi mumkin.

Maxsus iqtisodiy zonalar hududidagi yer uchastkalari maxsus iqtisodiy zonalarning direksiyalari tasarrufida turadi va maxsus iqtisodiy zonalar ishtirokchilarining foydalanishiga investitsiya bitimiga muvofiq investitsiya loyihalarini amalga oshirish uchun maxsus iqtisodiy zonalar ma’muriy kengashlarining qarorlari asosida berilishi mumkin, bundan maxsus sanoat zonalarining hududlari mustasno.

Investitsiya loyihasini amalga oshirish uchun yer uchastkasini berish to‘g‘risidagi qaror maxsus iqtisodiy zona ma’muriy kengashining bayonnomasi bilan rasmiylashtiriladi va shu bilan bir vaqtda Qoraqalpog‘iston Respublikasi Vazirlar Kengashi raisining, tegishli viloyat hokimining yoxud Toshkent shahar hokimining yer uchastkasini berish to‘g‘risidagi alohida qarori qabul qilinadi. Mazkur tartib maxsus sanoat zonalari hududida yer uchastkasini berishga nisbatan tatbiq etilmaydi.

Maxsus iqtisodiy zonaning ishtirokchisiga yer uchastkasini ajratishni rad etishga yo‘l qo‘yilmaydi.

Maxsus iqtisodiy zonalar hududida shaharsozlik faoliyati maxsus iqtisodiy zonalarning tasdiqlangan bosh rejalariga muvofiq amalga oshiriladi.

8-modda. Maxsus iqtisodiy zonalarda davlat-xususiy sheriklik

Maxsus iqtisodiy zonalarda davlat-xususiy sheriklik O‘zbekiston Respublikasining “Davlat-xususiy sheriklik to‘g‘risida”gi Qonuniga muvofiq amalga oshiriladi.

Foydalanilgan adabiyotlar: O‘ZBEKISTON RESPUBLIKASINING QONUNI MAXSUS IQTISODIY ZONALAR, hududlar kesimida EIZ, KSZ, texnopark va klasterlar soni, birliklar.