Ф. Жуманова, С. Авазова, Г. Жобборова, У. Хуснетдинов

Мактабдан ташқари таълим болалар ва ўсмирларнинг якка тартибдаги 
эҳтиёжларини қондириш, уларнинг бўш вақти ва дам олишини ташкил этиш, 
маданий-эстетик, илмий, техникавий, спорт ва бошқа йўналишларда кўрсати-
лади. Бу таълим болалар, ўсмирлар ижодиёти саройлари, уйлари, клублари ва 
марказлари, болалар-ўсмирлар спорт мактаблари, санъат мактаблари, мусиқа 
мактаблари, студиялар, кутубхоналар, соғломлаштириш муассасалари ва бош-
қа муассасалар томонидан амалга оширилади. 
“Таълим тўғрисида” қонуннинг 19-моддасига кўра, аккредитация қилин-
ган таълим муассасалари битирувчиларига давлат томонидан тасдиқланган на-
мунадаги маълумот тўғрисидаги ҳужжат (шаҳодатнома, диплом, сертифи-

---

10 
кат, гувоҳнома) берилади. Давлат томонидан тасдиқланган намунадаги маълу-
мот тўғрисидаги ҳужжат экстерн тартибида имтиҳон топширган шахсларга 
ҳам берилади. Тегишли босқичдаги таълимни тугалламаган шахсларга белги-
ланган намунадаги маълумотнома берилади. 
Таълим муассасаси қонун ҳужжатларига мувофиқ ишлаб чиқилган Устав 
асосида фаолият кўрсатади. 
Давлат томонидан тасдиқлаган намунадаги маълумот тўғрисидаги ҳуж-
жат навбатдаги босқич таълим муассасаларида таълим олишни давом этти-
риш ёки тегишли ихтисослик бўйича ишлаш ҳуқуқини беради. 
“Таълим тўғрисида”ги қонунининг 20-моддасида таълим олувчиларни 
ижтимоий ҳимоя қилиш (имтиёзлар, стипендия ва ётоқхонада жой билан таъ-
минлаш), 21-моддасида таълим муассасалари ходимларига иш вақтининг қис-
қартирилган муддати белгиланиши, ҳақи тўланадиган йиллик узайтирилган 
таътиллар ҳамда меҳнатга ҳақ тўлаш, рағбатлантиришнинг турли шаклларини 
қўллаш, 22-моддасида етим болаларни ва ота-оналарининг ёки бошқа қонуний 
вакилларнинг васийлигисиз қолган болаларни ўқитиш ва уларни боқиш дав-
латнинг тўла таъминоти асосида амалга оширилиши, 23-моддасида жисмоний 
ёки руҳий ривожланишида нуқсони бўлган, шунингдек, узоқ вақт даволаниш-
га муҳтож бўлган болалар ва ўсмирларни ўқитиш, қисман ёки тўла давлат 
таъминотида бўлиши белгиланган. 
Бу Қонунда Ўзбекистон Республикаси Вазирлар Маҳкамасининг таъ-