Ф. Жуманова, С. Авазова, Г. Жобборова, У. Хуснетдинов

 Тарбиявий ишлар технологияси - методиканинг тарбиявий ишлар ман-
тиғи ва техникасининг ўзаро бирикуви асосида қайта тикланувчан ўзаги – де-
ярли бир хил изчилликда, кетма-кетликда амалга ошадиган усуллар, услублар 
ва операциялар мажмуи. Бошқача айтганда, тарбия технологиялари – қўйил-
ган тарбиявий мақсадларга эришишга имкон берадиган таълим шакллари, ме-
тодлари, усуллари ва тарбиявий воситалар мажмуи. 
Замонавий тарбиявий технологиялар сирасига қуйидагиларни киритиш 
мумкин: 
1) лойиҳавий таълим технологияси; 
2) шахсга йўналтирилган технология; 
3) саломатлик технологияси; 
4) ўйин технологияси; 
5) таҳлилий тафакурни ривожлантириш технологяси; 
6) жамоавий ижодий иш технологияси; 

---

294 
7) бахс-мунозаралар технологияси; 
8) муваффақият вазиятини яратиш технологияси; 
9) шоу-технологиялар; 
10) вазиятли технологиялар. 
Тарбиявий ишлар технологиялари Р.Ишмухамедов ва М.Юлдашевнинг 
“Таълим ва тарбияда инновацион педагогик технологиялар” номли ўқув қўл-
ланмасида (Тошкент, 2013, 279 б.) атрофлича келтирилган.
14-боб. Миллий ғоя, маънавият асослари ва оила тарбияси 
 
14.1. Миллий ғоя ва тарбия 
Инсоният тарихи бирон-бир жамият эзгу ғоялар ва мафкурасиз тараққий 
эта олмаслигини тасдиқлаб келмоқда. Зеро, одамнинг қалби, онги, руҳи ва 
шуури ҳаётбахш ғояга ҳамиша эҳтиёж сезиб яшайди. 
Ғоя - инсон тафаккурининг маҳсули сифатида атрофдаги оламни ўрга-
ниш, билиш жараёнида вужудга келади ва онгнинг ижодий таркибий қисми, 
ташқи оламнинг онгда акс этадиган образли инъикоси ва акси, инсоннинг жа-
мият ва табиатдаги воқеа ва ҳодисаларни англаш шакли, онгнинг ташқи олам 
ва ҳаёт ҳодисаларига нисбатан акс таъсири намоён бўлиши, олдин мавжуд бўл-
маган, ўзида янгиликни ташувчи фикр сифатида талқин этилади. Ижтимоий 
онг шакллари маълум бир ғояларни яратади, уларга таянади ва уларни ривож-
лантиради.
Умуман олганда, барча мавжуд ғояларни қуйидагича туркумлаштириш 
мумкин (С. Мамашакиров бўйича):

 фан ғоялари (табиий-илмий ёки ижтимоий-гуманитар, асосланган ёки 
гипотетик, ҳақиқий ёки янглиш, нисбий ёки мутлақ ғоялар ва ш.к.); 
