F. I. Salomova Bilim sohasi: 500000 – “Ijtimoiy ta’minot va sog’liqni saqlash” Ta’lim sohasi: 510000 – “Sog’liqni saqlash”

  Suv namunasini olish qoidalari. 

Laboratoriya tekshirishlarining natijasi ko’p 

jihatdan suv namunasning to’g’ri olinganligiga va uni o’z vaqtida tekshirishga 

jo’natilganligiga bog’liqdir. 

   

Suv  namunasini  hajmi  2-5litrli  toza  idishga  (bakteriologik  tahlil  uchun 

sterillangan)  olinadi.  Suv  manbaidan  namuna  olish  markazlashgan  suv  ta’minoti 

uchun  suv  olinadigan  joydan  (yoki  suv  manbaidan  foydalanish  joyi  –  masalan, 

cho’milish  joylari)  olinadi.  Namunani  qirg’oqdan  5,  10m  ichkaridan  va 

manbaning  o’rtasidan  0,5  -  1m  chuqurlikdan  (lozim  bo’lganda  chuqurroqdan) 

olish  tavsiya  etiladi.  Keraqli  chuqurlikdan  suv  namunasini  olish  uchun  maxsus 

asbob-batometrlardan  foydalaniladi  yoki  tosh  bog’langan  va  uzun  ipga 

bog’langan  shisha  idishdan  foydalanish  mumkin  (5.5.1.-rasm).  Bunda  ikkinchi 

ipni  idishning  qopqog’iga  bog’lanadi  va  undan  suv  olish  vaqtida    foydalaniladi: 

---

 

227 

 

keraqli  chuqurlikka  idishni  tushirgandan  so’ng,  qopqoq  ipi  keskin  tortilib, 

idishning og’zi ochiladi va unga suv kiradi. 

a) 

 

b) 

5.5.1.-rasm. Batometr (a,b) 

   

Suv  tarqatish  tarmog’idan  (vodoprovod)  bakteriologik  tahlil  uchun 

sinama  quyidagi  tartibda  olinadi:  spirt  lampasi  alangasida  jo’mrak  qizdiriladi  va 

suvni ochib 10 daqiqa davomida oqizib qo’yiladi, so’ngra suv namunasini shisha 

idishga  olib,  idish  og’zini  ham  alangada  qizdiriladi  va  mahkam  yopiladi.  Fizik-

kimyoviy  tekshirishlar  uchun  suv  namunasini  olishda  ham  10  daqiqa  davomida 

suv  oqizib  qo’yiladi,  idishni  shu  suv  bilan  chayiladi,  keyin  suv  bilan  to’ldirilib, 

og’zi yopiladi. 

   

Namuna olingandan so’ng idish qopqog’ini surg’uch bilan muhrlanadi va 

kuzatuv xati bilan laboratoriyaga jo’natiladi. Kuzatuv xatida namuna olingan suv 

manbaining nomi, olinish joyi va olinish vaqti, suvning hajmi, qanday maqsadlar 

uchun olindi, kim tomonidan olindi kabi ma’lumotlar yoziladi. Agar namuna suv 

manbaidan  olingan  bo’lsa,  kuzatuv  xatida  namuna  olish  vaqtidagi  ob-havo 

sharoiti ko’rsatiladi. Olingan namuna iloji boricha laboratoriyaga tez yetkazilishi 

---

 

228 

 

kerak,  imkoni  bo’lsa  2  soat  ichida,  agar  buning  iloji  bo’lmasa,  u  holda  suvga 

konservant  qo’shiladi  -  har  1litr  suvga  2  ml  25%  li  sulfat  kislotasi  (suvdagi 

muallaq  moddalar,  quruq  qoldiq,  xloridlar,  azot  tuzlari  uchun  2  ml/l  xloroform 

qo’shiladi) va bu haqda ham kuzatuv xatida bildiriladi.