Evolyusion rawajlanıw dáwirinde ekologiyalıq ortalıqtıń ózgeriwi organizm bul ózgerislerge iykemlesiwine, yaǵnıy adaptasiyaga májbúr boladı. organizmniń bunday iykemlesiw processinde kletka tiykarǵı rol oynaydı

Genetikalıq klassifikasiya. Organizmniń embrional rawajlanıwı dáwirinde qaysı embrion betlerinen, yaǵnıy ektoderma, entoderma yamasa mezodermadan kelip shıǵıwına qaray epiteliy ush gruppaǵa bólinedi. Bul klassifikasiyani N. G. Xlopin anıq eksperimental materiallarǵa tıykarlanıp dúzgen.

Epiteliydiń bul tari da óz gezeginde bir neshe turlerge bólinedi hám hár qaysısı ózine tán fiziologikalıq wazıypanı atqaradı hám ózine tán morfologiyalıq dúzılıske iye boladı ; adam hám haywanlardıń túrli organlarinda ushraydı hám sol organlar maydanın qaplap turadı. Bir qabatlı epiteliy kletkalarınıń barlıǵına tán ayrıqshalıqlardan biri olardıń bazal membrana ústinde jaylasıp, ol menen tikkeley tutasqan bolıwı hám óz trofikasini támiyinlewi bolıp tabıladı. Joqarıǵı erkin ústleri bolsa atqaratuǵın wazıypasına qaray túrlishe differensiallanǵan, yaǵnıy ózine tán morfologiyalıq dúzılıske bolsa boladı. Bul epiteliy kletkalarınıń formasına kóre tegis, kub tárizli, silindir tárizli (prizma sıyaqlı ) boladı. Olardıń yadrosı bir qıylı tegislikte, yaǵnıy bir qatarda jaylasadı. Soǵan tıykarlanıp, onı bir qatarlı epiteliy dep ataladı. Eger bir qabatlı epiteliy hár túrlı formada bolıp, yadroları hár túrlı tegislikte, yaǵnıy hár túrlı qatarda jaylassa, onı kóp qatarlı epiteliy dep ataladı.