«Эволюция» атамаси биологияда илк бор XVIII асрда швейцария олими Ш. Боннэ томонидан қўлланилган бўлиб, бу сўз дастлаб «ёйилиб очилиш» маъносини англатган эди.

Kreatsionizm bilan transformizm o’rtasidagi kurash.

1830 yili Sent-Iler shogirdlaridan bo’lgan Loranse va Meyran Fransiya Fanlar Akademiyasiga boshoyoqli mollyuska — sepiyaning tuzilishiga doir tekshirishlar yakunini taqdim qildilar. Yosh olimlar o’z ustozlarining g’oyalariga asoslanib, barcha hayvonlar bir xil plan asosida tuzilganligini jumladan, boshoyoqli mollyuska — sepiya tuzilishiga ko’ra umurtqali hayvonlarga o’xshashligini e’tirof etdilar. Kyuve yosh olimlar ishining natijasiga va Sent-Ilerning barcha hayvonlar bir plan asosida tuzilgan, degan g’oyasiga o’zining barcha hayvonlar to’rt plan asosida tuzilgan, degan ta’limotini qarama-qarshi qo’ydi. Natijada ikki yirik olim o’rtasida munozara boshlandi. Munozara jarayonida Kyuve barcha hayvonlar o’zgarmas, qotib qolgan, har bir hayvon ma’lum maqsadlar uchun yaratilgan, degan g’oyasini targ’ib qildi. Sent-Iler esa xilma-xil hayvonlarning tuzilishi bir xil, ular o’zgaruvchan ekanligini bildiruvchi transformizm g’oyasini ilgari surdi. Bu ikki yirik olim o’rtasidagi munozara ikki oy davom etdi va oxirida Kyuve g’olib chiqdi. Chunki Sent-Iler hayvonlar bir plan asosida tuzilganligini.yetarli dalillar bilan isbotlab bera olmadi. Bu munozara o’sha davrda katta voqea sifatida tan olindi. Chunki u faqat ikki olim o’rtasidagi munozara bo’lib qolmay, balki ikki dunyoqarash: kreatsionizm va transformizm, evolyutsionizm o’rtasidagi munozara edi.

Shunday qilib, Kyuvening g’alabasi bilan tugagan bu munozara bir qancha vaqtgacha transformizm va evolyutsionizm g’oyalarining rivojlanishiga to’sqinlik qildi.