Etnolingvistika va milliy madaniyat

Fan bo‘yicha bilim, ko‘nikma va malakaga qo‘yiladigan talablar

“Etnolingvistika va milliy madaniyat” tanlanma kursini o‘zlashtirgan bakalavr:

- “Etnolingvistika va milliy madaniyat” fanining predmeti, obyekti, maqsadi;

- “Etnolingvistika va milliy madaniyat” bilan aloqador tushunchalarning o‘rganilish tarixiga oid nazariy va amaliy masalalarni hal qilish bilan bog‘liq ahamiyatini belgilash;

- til va madaniyat, til va ma’naviyat, ularning o‘zaro munosabati masalalari, madaniy konnotatsiya va uning til birliklarida namoyon bo‘lishi, til birliklarining lingvomadaniy tahlili haqidagi ma’lumotlarni bilishi;

- xorijda etnolingvistikaning o‘rganilishga doir masalalarni yorita olish;

- inson milliy mentallik va tilning ifodalovchisi haqida yetarli bilimga ega bo‘lish;

- onomastika tizimiga oid lingvomadaniy tushunchalarning etnos madaniyati va ma’naviyatidagi o‘rni, xususan, uning onamapoetika va antroponimlarda namoyon bo‘lish xususiyatlariga oid masalalarni bilishi;

- hudud tilini lingvomadaniyatshunoslik nuqtayi nazaridan o‘rganish muammolari haqida tushuncha berish;

- jamiyatda, madaniyatda va tilda gender xususiyatlarning lingvomadaniy jihatdan o‘rganish muammolarini tahlil qilish;

- metafora tasviriy vositasini lingvomadaniy yo‘nalishda o’rganish, bunda o‘xshatish asosini tashkil etuvchi milliy-madaniy etalon tushunchasini tahlil qila olish;

- litota, jim qolish, gradatsiya kabi tasviriy vositalarni etnolingvistik yo‘nalishda tahlil qilishning ifodalanish usullari;

- lingvoo‘lkashunoslik va terminologiyaning etnolingvistika bilan munosabatiga aloqador masalalarni aniqlash;

- tildagi barqaror birikmalar - frazemalarni etnolingvistik yo‘nalishda o‘rganish kabilar haqida ma’lumotga ega bo‘lish, bilish talab etiladi;

- xalq og‘zaki ijodi namunalari, lingvofolkloristikaga oid masalalarning etnos tarixi va madaniyati bilan bog‘liqligi.
“Etnolingvistika va milliy madaniyat” fanining o‘quv rejasidagi fanlar bilan bog‘liqligi
“Etnolinvistika va milliy madaniyat” tanlanma kursi asosiy ixtisosliklardan biri hisoblanib, 3-semestrda o‘rganilishi rejalashtirilgan. U “Kognitiv tilshunoslik”, “Pragmalingvistika”, “Psixolingvistika”, “Matn tilshunosligi”, shu bilan birga, “Falsafa”, “Etnografiya”, “Axloqshunoslik”, “Sotsiologiya” hamda “Etnologiya” kabi turdosh fanlarda o‘rganiladigan muammolar borasida ham yetarli bilim va ko‘nikmalarga ega bo‘lishni talab etadi.
“Etnolingvistika va milliy madaniyat” fanidan O‘quv-metodik majmua (O‘MM) – davlat ta’lim standarti va fan dasturida belgilangan talabalar tomonidan egallanishi lozim bo‘lgan bilim, ko‘nikma, malaka va kompetensiyalarni shakllantirishni, o‘quv jarayonini kompleks loyihalash asosida kafolatlangan natijalarni olishni, mustaqil bilim olish va o‘rganishni hamda nazoratni amalga oshirishni ta’minlaydigan, bakalavrning ijodiy qobiliyatlarini rivojlantirishga yo‘naltirilgan o‘quv-uslubiy manbalar, mavzuga tadqiqiga oid materiallar, elektron ta’lim resurslari, o‘qitish texnologiyasi, baholash metodlari va mezonlarini o‘z ichiga oladi.
Fanni o‘qitishda pedagogik va axborot texnologiyalaridan foydalanish

“Etnolingvistika va milliy madaniyat” tanlov fanini o‘zlashtirishda o‘qitishning ilg‘or va zamonaviy usullaridan foydalanish, yangi informatsion-pedagogik texnologiyalarni tatbiq qilish muhim ahamiyatga ega. Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, tarqatma materiallar, texnik vositalardan foydalaniladi. Dasturda ko‘rsatilgan mavzular ma’ruza, amaliy mashg‘ulot, seminar mashg‘ulotlari shaklida olib boriladi, shuningdek, fanning dolzarb masalalari talabalarga mustaqil ta’lim zamonaviy pedagogik texnologiyaning “Klaster”, “Bumerang”, “Matbuot konferensiyasi” singari metodlari orqali hamda slaydlar, multimedia namoyishlari bilan o‘tkaziladi. Umuman, fanini loyihalashtirishda quyidagi asosiy konseptual yondoshuvlardan foydalaniladi: