Эшқурбонова мунисахон бозор қизи

Кумушнинг органик лигандлар билан координацион бирикмалари.
Кумуш органик лигандлар билан ҳам жуда кўп бирикмалар ҳосил қилади. Бунадай бирикмалар қаторига тўйинган ва тўйинмаган углеводородлар, карбон кислоталар, аминокислоталар, комплексонлар, аминлар шунингдек, фосфор ва мишяк, азот ва олтингугурт, азот ва селен, фофор ва олтингугурт сақлаган органик лигандларни киритишимиз мумкин.
Аминокислоталар билан кумушнинг ҳосил қилган комплекс бирикмалари асосан pH-потенсиометрик титрлаш усулида ўрганилган. Бундай бирикмаларга кўплаб аминокислоталарни, оқсилларни, пиридинкарбон ва хинолин карбон кислоталарни, барбутир кислотасини келтириш мумкин. Бу бирикмаларнинг кўпчилигида кумуш ва лигандларнинг бирикиши 1:1 ва 1:2 нисбатларда бўлади. Кўпинча кумуш билан бирикиш ион боғ орқали водород атоми ўрнидан ва координатсион боғ орқали азот атомидан бирикади.
Пиридинкарбон кислоталар билан бирикмаларида кумуш асосан +2 оксидланиш даражасида бўлади. Бунда ҳосил бўлган бирикмаларнинг умумий формуласи AgA•nH₂O бўлади. AgNO₃ га кислоталар таъсир эттириб натрий персулфатнинг концентрланган эритмасида олинган. Пиридинкарбон кислоталарнинг барқарорлиги моно-> ди-> трикарбон кислоталар қаторида камайиб боради.
Комплексон типидаги аминокислоталардан этилендиаминтетрасирка кислота (H₄Y) ва нитрилосирка кислоталар N(CH₂COOH)₃ (H₃X) билан кумуш тузлари сувли эритмаларда Ag₂H₂Y (pH 4,5-7), Ag₄Y ва Ag₂HX (pH≥8) типидаги бирикмалар ҳосил қилади. Кумушни сувли эритмалардан pH метрик титрлашда [AgY]^3- ва [Ag₂Y]^2- комплекслари билан аниқлаш мумкин. Бу комплексларнинг диссотсиланиш константаси [AgY]^3- = Ag⁺ + Y^4- va [Ag₂Y]^2- = Ag⁺ + [AgY]^3- реакциялари учун 5,3•10^-8 va 10^-4 га тенг. [7]
2-оксихинолин, 4-метилоксихинолин ва 5-оксиметил-8-хинолин билан кумуш тузлари сувли ва органик эритувчиларда AgC₉H₆NO va AgC₉H₅NOCH₃ таркибли комплекслар аралашмаси ҳосил бўлади, бунда кумуш атоми кислород ва азот атомлари билан координатсияланади. [22]
Тиомочевина ва кумуш нитрат эритмалари аралаштирилганда, компонентларнинг мол нисбатлари 3:1 бўлган чўкма ҳосил қилади. Ag[SC(NH₂)₂]₃⁺ ионининг бар=арорлик константасининг логарифми 13,05 га тенг. [885]. Тиомочевина ва аллилтиомочевина AgNO₃ билан метанолдаги эритмада реакцияга киришса [Ag₂(NH₂)₂CS](NO₃)₂ , [Ag(NH₂)₂CS]NO₃ , [Ag₂C₃H₅NHCSNH₂](NO₃)₂ ва [AgC₃H₅NHCSNH₂]NO₃ таркибли бирикмалар ҳосил бўлади. [23]
Тиоатсетамид билан кумуш тузлари қуйидагича комплекс тузлар ҳосил қилади: [Ag(CH₃CSNH₂)]NO₃, [Ag(CH₃CSNH₂)]HSO₄, [Ag(CH₃CSNH₂)₂]NO₃ ва [Ag(CH₃CSNH₂)₂]HSO₄.
Кумуш дитизион билан бир ва икки алмашинган комплекслар ҳосил қилади: