Ёшларига ғоявий-мафкуравий таълим-тарбия беришни фаоллаштиришнинг ташкилий-тадбирий жиҳатлари

5. Давра суҳбати, савол-жавоб кечалари, уларни ташкил қилиш ва
ўтказиш методикаси. Давра суҳбати, савол-жавоб кечалари маърифат
дарсларининг муҳим шаклларидандир. Уларда раҳбар, ходимлар, мутахассислар
иштирокида ходимларни қизиқтирувчи масалалар юзасидан суҳбат, баҳсмунозара уюштирилади. Уларни асосан қуйидаги турларга ажратиш мумкин:
– олдиндан белгилаб олинган битта кичик ижтимоий-сиѐсий мавзу бўйича
олиб борилувчи, қисқа;
– бир неча мавзуларни, масалаларни ўз ичига олувчи кенг қамровли;
– фақат ѐш мутахассислар ѐки хизмат соҳаси у ѐки бу бўлинмасининг
аъзолари билан ўтказилувчи ва ҳ.к.
Давра суҳбатини, савол-жавоб кечаларини ўтказиш узоқ тайѐргарликни талаб
этадиган иш бўлиб, қуйидагиларни амалга оширишни тақозо этади:
Биринчидан, ѐшларни қизиқтирувчи муаммоларни аниқлаш ҳамда шу асосда
давра суҳбати ва савол-жавоб кечасининг мавзуини белгилаб олиш зарур.
Иккинчидан, ѐшларни давра суҳбати ва савол-жавоб кечаси бўлишидан
камида икки ҳафта олдин унда қандай масалалар, муаммолар кўриб чиқилиши ва
кимлар иштирок этишидан хабардор қилиш керак. Айни вақтда, ўтказиладиган
кечада ѐки суҳбатда ѐшларнинг тўлиқ иштирок этишини таъминлаш,
иштирокчиларнинг дилларидаги орзу-истакларини билиш учун барча шартшароитларни яратиш, яъни саволларни тўплаш учун махсус қутилар, дафтарлар
ташкил қилиб, телефон рақамларини ҳам айтиш керак.
Учинчидан, тушган саволларни яхшилаб ўрганиш, уларни таснифлаш ҳамда
шу саволларга жавоб бериши лозим бўлган раҳбарлар ва мутахассисларга
етказиш лозим.
Тўртинчидан, кечани ўтказувчи раисни танлаш, уни ўтказиш вақтини, жойини
белгилаб олиш ва керакли раҳбарлар, мутахассисларни таклиф қилиш зарур.
565
Бешинчидан, давра суҳбати, савол-жавоб кечаси, албатта, уни, олиб
борувчининг қисқача кириш сўзи билан очилиши, шундан сўнг саволларга жавоб
бериш тартиби тўғрисида келишиб олган ҳолда иш юритилиши лозим.
Олтинчидан, жавоблар аниқ бўлиши, унинг исботи учун зарур ҳужжатлар,
видеолавҳалар, мутахассисларнинг фикрларидан тўлиқ фойдаланиш керак. Ҳеч
бир савол-жавобсиз қолмаслиги зарур.
Давра суҳбати, савол-жавоб кечалари ѐшлар билан жонли мулоқот олиб
боришнинг асосий шаклларидан бири бўлиб, у ғоявий-мафкуравий ишларни
ташкил қилишнинг асосий воситаларидан бири эканлигини ҳар бир мутассади,
раҳбар ходим чуқур англаб олиши керак.