Ёшлар билан ишлаш самарадорлигини ошириш, маҳаллий давлат ҳокимияти органларининг бу борадаги фаолиятини янада такомиллаштириш чора-тадбирлари тўғрисида

олий таълим муассасаларининг бюджетдан ташқари маблағлари ҳисобидан молиялаштирилади.
10. Қорақалпоғистон Республикаси Жўқорғи Кенгесига Қорақалпоғистон Республикаси Вазирлар Кенгаши тузилмасини ушбу қарор талаблари асосида қайта кўриб чиқиш, унинг янги тузилмаси
ва бошқарув ходимларининг штат бирлигини тасдиқлаш тавсия этилсин.
11. Ёшлар ишлари агентлиги (А.З. Саъдуллаев) икки ой муддатда агентлик ҳузуридаги Ёшлар муаммоларини ўрганиш ва истиқболли кадрларни тайёрлаш институти фаолиятини такомиллаштириш бўйича қуйидагиларни назарда тутувчи Ҳукумат қарори лойиҳасини киритсин:
ёшлар билан ишлаш бўйича жорий этилаётган янги тизимнинг самарадорлигини ўрганиш ва таҳлил қилиш;
ёшлар билан ишлашга масъул бўлган раҳбар ва ходимларнинг фаолиятини энг муҳим самарадорлик кўрсаткичлари бўйича баҳолаб бориш методикасини ишлаб чиқиш;
ёшлар билан ишлашга масъул бўлган раҳбар ва ходимларнинг соҳага оид билим, кўникма ва малакасини ошириш ҳамда уларни методик таъминлаб бориш;
соҳага оид илғор хорижий тажрибани ўрганиш ҳамда таҳлилий маълумотлар ва таклифларни доимий равишда киритиб бориш.
12. Молия вазирлиги (Т.А. Ишметов) бир ой муддатда тегишли вазирлик ва идоралар ҳамда маҳаллий давлат ҳокимияти органлари билан биргаликда мазкур қарор талабларидан келиб чиққан ҳолда, уларнинг штат жадвалларига ўзгартириш ва қўшимчалар киритсин.
13. Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов уч ой муддатда мутасадди вазирлик ва идоралар вакилларидан иборат ишчи гуруҳини ташкил этиб, маҳаллий давлат ҳокимияти органлари фаолиятини янада такомиллаштириш ва самарадорлигини оширишга қаратилган Ўзбекистон Республикаси Президенти қарори лойиҳасини киритсин.
14. Ўзбекистон Республикаси Президентининг 2020 йил 30 июндаги “Ўзбекистон Республикаси Ёшлар ишлари агентлиги фаолиятини ташкил этиш тўғрисида”ги ПҚ–4768-сон қарорида:
а) 1-банд қуйидаги таҳрирда баён этилсин:
“1. Ўзбекистон Республикаси Ёшлар ишлари агентлигининг (кейинги ўринларда – Агентлик) ташкилий тузилмаси 1-иловага мувофиқ тасдиқлансин”;
б) 2–4 иловалар ўз кучини йўқотган деб ҳисоблансин.