Эшитиш анализаторини текшириш усуллари. Вестибуляр анализаторларни текшириш усуллари. Машғулот ўтказиш жойи, жихозланиши

Риноскопия

Олдинги, ўрта ва орқа риноскопия мавжуд.

Олдинги риноскопия бурун кенгайтиргичи орқали пешона рефлектори ёрдамида ёритилганда ўтқазилади, бунда бурун кириш қисми яхши кенгайтирилиб, кўриш учун яхши шароит яратилади. Бурун кенгайтиргич размери бемор ёшига боғлиқ бўлади.
Биринчи позициясида бурун бўшлиғи туби, пастки бурун чиғаноғини олдинги қисми, пастки бурун йўли, қонаш сохаси (locus Kiesselbachii) жойлашган бурун тўсиғини олдинги-пастки қисмлари, иккинчи позицияда – орқага ва пастга қаратилганда ўрта бурун чиғаноғини олдинги қисми ва хид сезиш тирқиши (юқори бурун чиғаноғи олдинги риноскопияда хар доим кўринмайди) кўринади. Бурун йўлари тўғри ва кенг бўлганда, айрим холатларда бурун чиғаноғини ва бурун тўсиғини орқа қисмлари, бурун-халқум орқа деворини бир қисми кўринади (олдинги чуқур риноскопия).
Орқа риноскопия бурун-халқум ойначаси орқали 115 градус бурчаги остида бурун билан нафас олинганда халқум бўшлиғига олиб кирилиб ўтқазилади, бу холатда юмшоқ танглай пастга тушиб бироз орқага ўтади. Бемор албатта тилини ташқарига чиқазмайди, ва шифокор шпател билан уни пастга босади, бурун-халқум ойначаси танглай тилчаси тегидан кўзгуси билан юқорига қаратилган холатда олиб кирилади. Текшириш жараёнида юмшоқ танглай пастга ва олдинга осилиб қолмаслиги учун бемор максимал холатда уни бўшаштириб туриши лозим. Бунда бемор оғзини очиб, бурундан нафас олади. Бундай холатда хаво окимини асосий массаси оғиз орқали ўтмасдан, бурун-халқум бўшлиғи орқали ўтади. Агар юмшоқ танглай етарли даражада осилиб қолмаса ва бурун-халқум бўшлиғини кўра олмасак, тил илдизи, халқум орқа девори ва юмшоқ танглай 10% ли кокаин ёки 3% ли дикаин эритмаси билан суртилади. Орқа риноскопияда юмшоқ танглайни орқа юзаси, дўмоғ суягини чизиғи ва учта ярус шаклида жойлашган бурун чиғаноқлари билан хоаналар кўринади. Ўрта бурун чиғаноғини пастки кисмини ва олдинги риноскопияда кўринмайдиган юқори бурун чиғаноғини хам кўриш мумкин.
Орқа риноскопияни хар доим хам ўтқазиб бўлмайди, айниқса болаларда. Бундай холатларда бармоқ билан текшириш усули ўтқазилади (текширувчининг кўрсаткич бармоғи албатта антисептик билан ишлов берилган бўлиши керак). Текширувчи беморнинг ўнг томонидан туриб, унинг оғзи орқали бармоқ халқумнинг орқа деворигача киритилиб, уни юқорига букади. Бармоқ халқумни бурун қисмигача олиб кирилади. Муолажа бир неча сония вақт олади.