Erkin vohidovning “nido” dostoni bo’yicha muammoli dars ta’limiy maqsad

ERKIN VOHIDOVNING “NIDO” DOSTONI BO’YICHA MUAMMOLI DARS


Ta’limiy maqsad: “Nido” dostoni haqida olgan bilimlarini mustahkamlash.
Tarbiyaviy maqsad: Tinchlikning qadriga etish, osoyishta hayotda totuv va yaxshi yashashga harakat qilish.
Rivojlantiruvchi maqsad: Dostonni tahlil qilishni o’rganish.
Dars uslubi: Interfaol usulidagi muammoli dars.
Dars jihozi: Texnik vositalar, Erkin Vohidovning portreti, plakat, maket, Amir Temur, Jaloliddin Manguberdi, Zahiriddin Bobur, To’maris portretlari.
Dars rejasi:
1. Erkin Vohidovning hayoti va ijodi bo’yicha savol-javoblar.
2. “Nido” dostonini tahlil qilish.
3. Sahna ko’rinishlari.
4. Yakunlash.
Darsning borishi:
O’qituvchi tashkiliy qismni olib boradi. Darsning maqsadi bilan tanishtiradi.
Kun hikmati.
Yurtimiz tinch bo’lsin,
Elimiz ozod.
Barakaga yor bo’lsin,
Baxt-u saodat.
Kun hikmati doskaga ilinadi. O’qituvchi yoddan o’qiydi. Bugungi darsning shiora shu ekanini ta’kidlaydi.
1-variant: Erkin Vohidovning Sherali Jo’raev ijrosidagi “O’zbegim” qasidasi texnik vosita orqali eshittiriladi.
- Bu qo’shiq ijrochisi kim?
1-o’quvchi: Bu qo’shiqni O’zbekiston xalq artisti Sherali Jo’raev ijro etganlar.
- Qo’shiqning so’zlari kimniki?
2-o’quvchi: Bu Erkin Vohidovning “O’zbegim” qasidasidir.
- Qo’shiqda qaysi bobokalonlarimizning nomlari tilga olingan?
3-o’quvchi: Amir Temur, Jaloliddin Manguberdi.
- Amir Temur kim?
4-o’quvchi: Amir Temur bobomiz buyuk sarkarda bo’lganlar. Ular Turon xalqlarini birlashtirib, markazlashgan davlat tashkil qilganlar.
5-o’quvchi: Ular qurdirgan binolar haligacha o’z go’zalligini yo’qotmay, savlat to’kib turibdi.
- Jaloliddin Manguberdi haqida nimalar bilasiz?
6-o’quvchi: Ular yurtimizga mo’g’il bosqinchilari bostirib kirganda vatan ozodligi uchun mardlarcha kurashgan.
- Yana qaysi vatanparvarlarimizni bilasiz?
7-o’quvchi: Temur Malik, To’maris, Shiroq.
- Demak, o’quvchilar biz vatanparvar ajdodlarimizga munosib bo’lishimiz kerak.