Eritmalari yoki suyuqlanmalari elektr tokini o‘tkazadigan moddalar

Fizik xossalari. Uglerod hidsiz, ta'msiz, qiyin suyuqlanadigan va odatdagi erituvchilarda erimaydigan modda. Suyuqlanish harorati 3550°C (olmos), qaynash harorati 4830°C (sublimatlanadi)

Adsorbsiya. Pistako'mir yuqori adsorbsiyalovchi xossaga ega. Faollashtirilgan ko'mir havodagi va gazlar aralashmasidagi uchuvchan zaharli moddalarni yutishda (protivogaz); inson organizmidan zararli moddalami tozalashda (qonni, hazm organlarini tozalash); oziq-ovqat mahsulotlarini (yog'-moylarni) tozalashda ishlatiladi. N.D.Zelinskiy birinchi jahon urushi yillarida zaharli kimyoviy moddalarga qarshi aktivlashtiiilgan ko'mirdan foydalanib, protivogazni ixtiro qildi. Zelinskiyning bu kashfiyoti yuz minglab jangchilar hayotini saqlab qoldi.Kimyo sanoatida katalizatorlar sifatida ishlatiladi.

Kimyoviy xossalari. Odatdagi haroratda uglerod uncha faol emas. Qizdirilganda ko'plab moddalar: kislorod, oltingugurt, azot, metallar, metall oksidlari bilan ta'sirlashadi;

2F₂ + C = CF₄ (uglerod (IV)-ftorid)

Kislorod bilan kimyoviy reaksiyaga kirishib ikki xil oksid hosil qiladi:

C + O₂ = C0₂

CO₂ + C = 2CO

C + 2S = CS₂

Metallar uglerod bilan karbidlar hosil qiladi: Ca + 2C = CaC₂

Karbidlar uglerodning metall oksidlari bilan ta'sirlashuvida ham hosil bo'ladi:

2A1₂O₃ + 9C = A1₄C₃ + 6CO

CaO + 3C = CaC₂ + CO

Ba'zi metall karbidlari suv yoki kislotalar bilan ta'sirlashadi va bunda uglerodning turli tarkibdagi vodorodli birikmalari (asetilen, metan) hosil bo'ladi:

CaC₂ + 2 H₂O = Ca(OH)₂ + C₂H₂ (asetilen)

Al₄C₃ + 12HC1 = 4A1C1₃ + 3CH₄ (metan)

Oraliq metallar karbidlari (titan, volfram, temir, nikel va b.) qimmatbaho xossalarga: elektr o'tkazuvchanlik, qattiqlik, yuqori haroratlarga chidamlilik, kimyoviy barqarorlik kabi xususiyatlarga ega.Si0₂ ni grafit bilan elektr pechida qaytarilganda kremniy karbid - juda qattiq, suyuqlanmaydigan, kimyoviy barqaror modda - karborund olinadi: SiO₂ + 3C = SiC + 2CO

Uglerod - kuchli qaytaruvchi. Metall oksidlari bilan ta'sirlashganda metallarni erkin holgacha qaytaradi: CuO + C = Cu + CO