Ёритиш электр

СЭ_в муфтасини монтаж қилишда (6.21–расм, б, қаранг) ерга уланадиган сим 5 муфтада уланадиган кабеллардан бирининг зирҳи лентасига ва қобиғига каввшарланади. Ундан кейин кабеллардан бирининг зирҳ қопламасига ва қобиғига олдиндан улаб қўйилган ерга улаш симини каналга ўлчаб кўриш умун ярим муфталардан бири вақтинчалик жойига ўрнатилади. Сим муфта корпусининг пастки қисмидаги каналда жойланади, кейин муфта олинади. Ерга уланадиган сим бошқа кабелнинг зирҳ лентасига ва қобиғига кавшарланади. Сўнг зирҳ ва қобиқ поьоналарига, шунингдек томирларнинг уланадиган жойларидаги очиқ қисмларига герметикловчи тасма 8 ўралади, бу операциялар юқорида Сэп муфтасини монтаж қилиш даги операциялар каби бажарилади. Изоляция ацетон билан мойсизлантирилади ва унда лозим бўлган жойларида мойсизлантирилган тираклар 2 ўрнатилади. Ярим муфталарнинг бири жойига сурилади ва корпуснинг остки қисмида жойлашган махсус пазга ерга уланадиган сим ётқизилади. Уни ярим муфта қисмидаги чиқиқлар ёрдамида маҳкамланади, чиқиқлар бўлмаганда қалинлиги 0,4 мм ли тунукадан 100*15 мм ўлчами тасмалар воситасида вақтинча маҳкамлаб қўйилади. Ундан кейин иккинчи ярим муфта жойига ўрнатилади, ерга уланадиган симни вақтинча маҳкамлаб турган тасма олиб ташланади. Иккала ярим муфта хомутлар билан, остки қисмидан эса – скобалар билан маҳкамланади, бўйлама чоклари пластилин билан беркитилади кейин муфтага СЭ_п муфтасининг монтажида келтирилган кўрчсатмаларга мувофиқ эпоксид компаунди қўйилади.
СЭ_м муфтасини монтаж қилиш да (6.21–расмга қаранг) унинг цилиндр қисмини унга маҳкамланган конуси билан бирга кабелнинг бир учига, иккинчи конусини – кабелнинг бошқа учига кийгизилади. Кабелларнинг томирлари туташтирилади, изоляцияси ёғсизлантирилади, томирлар уланадиган жойидаги ток ўтказувчи очиқ қисмларига тасма ўралади, ёғсизлантирилган тираклар қўйилади, кўрсатилган операциялар СЭ_п ва СЭ_в муфталарини монтаж қилгандек бажарилади. СЭ_м муфталарини монтаж қилиш СЭ_п ва СЭВ муфталарини монтаж қилиш дан зирҳ ва қобиқ поьоналарига (тасма) подмотка ўралмаслиги билан фарқ қилади.
Ундан кейин муфтанинг цилиндрик қисми иккинчи конус билан туташтирилади, қўрғошин манжетлар кабеллар қобиқларига бутун айланаси бўйлаб зич ёпишиб тургунча атрофига қоплама устидан уриб чиқилади ва кабелларнинг муфтага киритиладиган жойлари вақтинча поливинилхлорид тасма билан зичлаштирилади.
Ерга уланадиган изоляцияланган симни кабелларнинг қобиқларига ва зирҳ ленталарига сим бандажлар билан боғлаб қўйилади ва С_эп муфтасини монтаж қилгандек кавшарланади.
Муфтанинг цилиндрик қисмини конуснинг қўрғошин манжетига уч нуқтада пайвандлаб қўйилади. Пайвандланган нуқталар орасидаги масофа улар улар орасида электр алоқани таoлаш учун тенг бўлиши (120) лозим. Кавшарлаш ПОС–30 кавшари билан амалга оширилади.
Ерга уланадиган сим икки жойдан сим бандаж билан боьланади ва муфтага эпоксид компаунд қўйилади. Компаунд қотгандан кейин қўрғошин манжетлар кабелнинг қобиқларига кавшарланади. Улардаги кабеллар алюминий қобиқларининг очиқ қисмлари ва муфта манжетининг 30–40 мм ли қисми ацетон билан ёғсизлантирилади, кейин уларга эпоксид компаунди суртилади ва эпоксид компаунди суртилган икки уч қатлам тасма бир–бирининг устини ярмини қоплайдиган қилиб ўралади.