Ёритиш электр

5.24. Кесимлар 1–10 мм² ли мис симларни бириктириш, тармоқлаш ва учларига ишлов бериш

Кесимлари 1 дан 2,5 мм² гача бўлган бир симли мис симларни асбоблар ва аппаратураларга улаш учун симнинг учи, ички диаметри қисувчи винтнинг диаметридан каттароқ бўлган ҳалқа шаклида букилади ёки изоляцияси олинган симнинг учи буюмнинг ёки аппаратнинг контакт қурилмасига киритилади ва қисувчи винт билан маҳкамланади.

Кесими 2,5 мм² гача бўлган кўп симли мис томирларни қисмаларга туташтириш учун, олдин у ҳалқа шаклида букилади, сўнг унга қалай югуртирилади ёки ҳалқа шаклидаги учлик билан прессланади (5.41–расм, а).

5.41–расм. Кесимлари 10 мм² гача бўлган симларнинг учларига ишлов бериш, улаш ва тармоқлаш:
а–учларига ҳалқасимон шаклда ишлов бериш, б–учларига мис фольга билан пресслаб ишлов бериш, в–маҳаллий босиб эзиш йўли билан ишлов бериш, г–тўртта чиқиқли пуансон ёрдамида бир йўла босиб эзиш йўли билан улаш, д–икки чиқиқли пуансон билан икки марта босиб эзиб тармоқлаш, е–битта чиқиқли пуансон билан беш марта маҳаллий босиб–эзиш йўли билан улаш.

Агар буюм қисмаси тешикли ва қисувчи винтли цилиндр бўлса, у ҳолда кўп симли мис томирларнинг учларига қалай югуртирилади ёки 0,15–0,2 мм қалинликдаги мис лентаси (фольга) бир қават қилиб ўралган симнинг учи прессланади (5.41–расм, б).

Кесимлари 4; 6 ва 10 мм² ли кўп симли мис томирлар учларига найчасимон учликлар кийгизиб (5.41–расм, в), учликнинг цилиндир қисми ПК–2М омбири билан кўндаланггига қисиб (эзиб) ишлов берилади. Сим томири изоляциядан тозаланган қисмининг узунлиги цилиндр шаклидаги учликнинг узунлиги плюс 2 мм, кабель томирлариники эса–плюс 10 мм га тенг бўлиши (кейинчалик герметиклаш учун) керак.
Кўп симли мис томирлар бириктирувчи гильзани тўрт чиқиқли пуансон билан (5.41–расм, г) бир мартабода (приём) эзиб, икки чиқиқли пуансон билан–беш мартабода (5.41–расм, е) эзиб йўли билан бириктирилади ва тармоқланади.
Учликлар ва бириктирилган гильзаларнинг ўлчамлари ҳамда тузилишлари, шунингдек, пуансон ва матрицаларнинг ўлчамлари ҳамда тузилишларини симларнинг қирқимларига қараб маълумотномаларда бериладиган жадвалларга қараб танланади.