Ergashxodjaeva Sh. Dj., Samadov A. N.,Alimxodjayeva, N. E., Sharipov I. B

 

 

 

 

9.1-rasm. Kommunikatsiya kampaniyalari uchun reklama qilishda 

foydalaniladigan vositaga asosiy talablar 

 

Chuqur  bilimga  egalik  reklama  qilishda  foydalaniladigan  vosita  maqsadli 

muloqot  doirasiga  mos  kelishini  nazarda  tutadi.  Sutni  qayta  ishlash  bo’yicha 

mutaxassislar  «Sut  sanoati»  jurnalidan,  abiturientlar  esa  –  «Qaerda  o’qish  kerak?» 

nashrlarida o’zi uchun kerakli axborot izlaydi. 

Tahririy materiallarga muvofiqlik tamoyiliga rioya qilinishini ta’minlash uchun 

reklama  xabari  va  tahririy  materiallar  mazmuni  va  ohangdoshligini  kuzatish  zarur. 

Ular  mos  kelganda,  idrok  qilishda  uyg’unsizlik,  yoqimsiz  tasavvurlar  bo’lmaganda 

eng katta samaraga erishiladi. Agar o’quvchi tijorat muvaffaqiyatlari haqidagi maqola 

yaqinida  o’rab-qadoqlash  uchun  avtomatlar  reklamasini  ko’rsa,  bu  reklama  boshqa 

e’lonlarga  nisbatan  katta  yutuqlarga  erishish  kafolatlanishi  bilan  bog’liq  holda 

tasavvur  etilishining  ehtimoli  yuqori.  Shu  sababdan  ham  Coca-Cola  kompaniyasi 

hech  qachon  o’z  reklamasini  dunyoda  ro’y  berayotgan  turli  falokat  va  halokatlar 

haqida so’z boradigan materiallar yaqinida joylashtirmaydi. 

Reklama  qilishda  foydalaniladigan  vositaning  reytingi,  uning  nufuzi  katta 

hajmdagi  muloqot  doirasini  kamrab  olishdan  umid  qilishga  imkon  beradi.  Nashr 

imidji  psixologik  jihatdan  reklama  qilinayotgan  materiallarga  ta’sir  ko’rsatadi.