Ergashxodjaeva Sh. Dj., Nazarova F. M

12.5. Reklama faoliyatining istiqbolli yo’nalishi – Brending 
 
"Brending" — ma’lum bir yagona g’oya atrofida birlashgan, bir xilda bezatilgan 
tovar belgisi, o’rama, reklama  murojaatlari, seylz promoushn  materiallari  va boshqa 
reklama  elementlarining  iste’molchiga  birgalikda  kuchli  ta’sir  ko’rsatishga 
asoslangan tovarni uzoq muddat afzal ko’rish hissini hosil qilishga qaratilgan, tovarni 
raqobatchilar o’rtasida ajratib ko’rsatishga va uning obrazini barpo qilishga qaratilgan 
faoliyatdir.
1
 
"Brending"  sanoati  rivojlangan  davlatlarda  keng  tarqalgan  bo’lsada,  bizning 
mamlakatimizda  reklama  amaliyotida  qo’llanayotgani  yo’q.  U  bizning  reklama 
haqidagi tasavvurimiz doirasidan chetga chiquvchi ko’plab elementlardan iborat. 
"Brending"  bu  —iste’molchi  ongiga  brend-imidj  –  belgilangan  tovar  yoki 
tovarlar  oilasi  belgisi  bilan  markalangan  obrazni  yaratish  va  keng  miqyosda 
                                                
1
  Щегорцов  В.А.,Таран  В.А.,Шойгу  И.А.,Щегорцев  М.В.  Основы  маркетинга:  учебник  для  вузов.  – 
М.:Дело, 2016.- 414 с. 

---

 
277 
singdirish  (reklama  vositalari,  shakl  va  usullaridan  foydalangan  holda)  ishlarini 
amalga oshiruvchi, marketing tadqiqotlari bilan asoslab berilgan ijodiy mehnatidir.  
"Brend-imidj"ni  yaratuvchilar  mahsulotning  tabiiy  xususiyatlarini,  unga 
iste’molchilarda  uyg’onuvchi  tuyg’ularni  hisobga  oladi  hamda  iste’molchilar 
ongigagina emas, balki  ularning his-tuyg’ulariga ham ta’sir ko’rsatadi. Agar bozorda 
tovar  muvaffaqiyatga  erishib,  uning  nufuzi  yuqori  bo’lsa,  doimo  unga  o’xshash 
bo’lgan,  uning  ommaviy  obrazini  takrorlovchi  tovarlar  topiladi.  SHu  sababli 
"brending"  doimiy  ravishda  rivojlanib borib,  raqobatchilarni  yo’ldan  olib  tashlovchi 
faoliyat hisoblanadi. 
"Brending" yordamida ko’p narsaga erishish mumkin. Xususan, u quyidagilarga 
imkon beradi
1
: 
• muayyan  bozorda  rejalashtirilgan  sotuv  hajmini  qo’llab-quvatlash  hamda  bu 
bozorda  iste’molchilar  ongida  tovar  yoki  tovarlar  oilasi  obrazini  yaratish  va 
mustahkamlash bo’yicha uzoq muddatli dasturni amalga oshirish; 
• tovar  assortimenti  va  jamoaviy  obraz  yordamida  joriy  qilinuvchi  o’ziga  xos 
xislatlar haqidagi bilimlarni kengaytirish natijasida foydalilikni oshirish; 
• reklama  materiallari  va  kompaniyalarida  tovar  ishlab  chiqarilgan  mamlakat, 
mintaqa  va  shahar  madaniyatini  aks  ettirish,  tovar  yo’naltirilgan  iste’molchilar 
so’rovlari  hamda tovarni sotish  mo’ljallangan  hududning o’ziga  xosliklarini  hisobga 
olish; 
• reklama  doirasiga  murojaat  qilishda  uchta  muhim  omil  –  tarixiy  ildizlar, 
bugungi kungi voqelik va kelajak bashoratlaridan foydalanish. 
Shu  bilan  bir  paytda  «brending»ni  samarali  amalga  oshirish  oson  ish  emas. 
Uning  natijaviyligi  reklama  beruvchi  va  u  bilan  hamkorlik  qiluvchi  reklama 
agentliklarining  tadbirkorlik  madaniyati  va  malakasidan  tashqari,  ularning 
intellektual  mulk,  tovar  belgilari,  dizayn  va  matn  bilan  ishlash  qobiliyatiga  ham 
bog’liq.