Ergashxodjaeva Sh. Dj., Nazarova F. M

 
7.3. Jahon bozorlarida tovarlarni qadoqlash va bezash 
 
Tovar  dizayni  tashqi  bozorga  chiqariluvchi  tovar  nomi,  shakli  va  rangini 
tanlashdan iborat. Eksport tovar dizayni ko’p jihatdan mamlakat aholisining madaniy 
xususiyatlariga  bog’liq.  Dizayn  bo’yicha  qaror  qabul  qilishda  mamlakatning  tili  va 
rangni qabul qilish xususiyatlariga e’tibor qaratish lozim. 
Mamlakat tilining  o’ziga  xos  xususiyatlarini  fonetik,  orfografik,  morfologik  va 
semantik jihatdan ko’rib chiqish zarur. Oxirgi paytda «umumiy marka» siyosati keng 
tarqalmoqda,  bunda  tovar  imidjini  ko’chirish  maqsadida  bir  qator  tovarlar  toifasi 
uchun tovar  markasi  ishlab chiqiladi. Ba’zi  hollarda til  xususiyatlari kompaniyaning 
tashqi bozor uchun maxsus markalar ishlab chiqishini talab qiladi, chunki tovar nomi 
oson  aytilishi,  to’g’ri  tushunilishi  va  salbiy  tushunchalarni  keltirib  chiqarmasligi 
lozim.  
Bozorda  taklif  etiluvchi  tovarlarning  ko’pi  albatta  o’rab-qadoqlanishi  zarur. 
O’rov  bu  –  tovarning  saqlanishi  va  tashilishi  uchun  qulaylik  yaratuvchi  sig’imlarni 
tayyorlash va ishlab chiqarish hisoblanadi.  
Tovarlar o’rovi turlicha bo’lishi mumkin bo’lib, ularning har biri uch qatlamdan 

---

 
147 
iborat bo’ladi:  
ichki o’rov – bevosita tovar saqlanadigan sig’im; 
tashqi  o’rov  –  tovarni  ichki  o’rov  uchun  xizmat  qiluvchi  va  tovarni  bevosita 
foydalanishga tayorlashda olib tashlanuvchi material; 
transport  o’rovi  –  tovarni  transport  orqali  tashish,  saqlash  va  uni  tanib  olish 
uchun foydalaniladi. Va nihoyat, o’rovning uzviy va ajralmas qismi tovarga taalluqli 
bo’lgan  bosma  ma’lumotlarni  o’rovning  ustiga  yoki  ichiga  kiritish  va 
markirovkalash.  
Tovar o’roviga bo’lgan asosiy talablar quyidagilardan iborat: 
• tovarning buzilish yoki shikastlanishidan himoya qilishni ta’minlash; 
• tovar reklamasini ta’minlash; 
• tovarni  transport  orqali  tashish  va  omborlarda  joylashtirish  uchun  oqilona 
birliklar yaratishni ta’minlash; 
• raqobatchilarning tovar o’rovlaridan ajralib turish; 
• ishlab chiqaruvchini tezda tanib olishga xizmat qilish; 
• tovar imidjini yaratish va narx darajasiga mos kelish. 
Tovar  o’rovi  materiali  tovar  ko’rinishiga  ega  bo’lishi,  osonlik  bilan  yo’q 
qilinishi,  xavfsiz  bo’lishi  va  osonlik  bilan  qayta  ishlanishi  lozim.  Qoidaga  ko’ra, 
o’rov hajmining o’zi uni tayyorlash uchun ishlatilgan material haqida, uning rangi va 
hokazolar  haqida  tasavvur  uyg’onishiga  imkon  beradi.  Tovar  o’rovining  tarkibiy 
qismlari  nar  hosil bo’lishi siyosati bilan  ham, reklama bilan  ham, boshqa  marketing 
elementlari  bilan  ham  bog’liq  bo’lishi  lozim.  O’rov  tuzilishi  ishlab  chiqilgandan 
so’ng  uni  bir  qator  sinovlardan  o’tkazish  lozim.  Texnik sinovlar  tovar  o’rovi  nomal 
ekspluatatsiya talablariga javob berishiga ishonch hosil qilishga xizmat qilishi: tashqi 
ko’rinish sinovlari matnning o’qilishi va ranglarning mos kelishini aniqlashi, dilerlik 
sinovlari  o’rovning  dilerlarga  yoqishi  yoki  yoqmasligini,  ularning  yuklash  uchun 
qulayligini aniqlashi, iste’molchilar sinovi tovar o’rovining iste’molchilar tomonidan 
qay darajada qabul qilinishini aniqlashi lozim. 
 

---

 
148