Ер тузишни лойихалаш

 
 
4. Лойиҳани ишлаш кетма-кетлиги ва унинг таркиби 
Ишчи лойиҳалар қуйидаги тартибда тузилади: 
камерал тайёргарлик ва изланиш ишлари ўтказилади; 
лойиҳалашга топшириқ тайёрланади; 
махсус изланишларга топшириқ тайёрланади; 
дала изланишлари ўтказилади; 
лойиҳа ишланади, асосланади, келишилади, экспертизадан ўтказилади ва 
тасдиқланади; 
материаллар расмийлаштирилади, ҳужжатлар тайёрланади ва буюртмачига 
берилади; 
лойиҳа ўзлаштирилади ва муаллифлик назорати амалга оширилади. 
Ишчи лойиҳа қуйидаги таркибий қисмлардан ташкил топади: ҳудудни 
ташкил этиш лойиҳаси; технологик қисм; лойиҳа-смета ҳужжатлари; иқтисодий 
самарадорлик ҳисоб-китоблари; қурилишни ва ишларни бажаришни ташкил 
этиш лойиҳалари. 
Лойиҳалаш жараёни уч босқичдан иборат бўлади: биринчиси - лойиҳалаш 
учун бошланғич маълумотларни йиғиш, тахлил қилиш ва тайёрлашдан иборат 

---

433 
лойиҳа олди ишлари; иккинчиси - дала изланишлари ва қидирувлари; учинчиси 
- ер тузишни лойиҳалашнинг ўзи. Лойиҳа таркибига лойиҳа планидан (асосий 
чизма) ва бошқа чизмалардан иборат чизма материаллар, тушунтириш хати 
(баённома) киради. 
Ишчи лойиҳанинг технологик қисми, технологик чизмаларга мос ҳар хил 
лойиҳавий тадбирларни бажаришнинг таркибини ва кетма-кетлигини 
белгилайдиган технологик карталарни ўз ичига олади. Технологик карталар 
бўйича тавсия этилаётган тадбирлар ҳажми ва уларнинг майдон бирлигига 
тўғри келадиган қиймати, лойиҳаланган тадбирларни амалга ошириш учун 
зарур техникага ва бошқа воситаларга бўлган талаб аниқланади. 
Ишларнинг белгиланган ҳажмига, технологик карталарга ва зарур 
ҳисобланган кўрсаткичларга мос тарзда тадбирларни амалга ошириш учун 
смета ҳужжатлари тузилади. Натижада лойиҳаланган тадбирларнинг смета 
қиймати, капитал харажатлар самарадорлиги ва ишчи лойиҳани асослашнинг 
бошқа кўрсаткичлари аниқланади.
Лойиҳада қуйидагилар келтирилади: объектнинг жой-лашган ўрни; 
туманнинг табиий шароитлари бўйича тавси-фи; қурилиш объектининг ишлаб 
чиқариш-хўжалик тавси-фи; бир ишчига режалаштирилган иш ҳажми ва зарур 
иш-лаб чиқариш базасининг мавжудлиги; қурилиш муддатлари ва кетма-
кетлиги; ишчи кадрларга бўлган талаб; хавсизлик техникаси.