Ер ҳақида умумий маълумотлар

Чўкинди жинслар қатлами - магматик йўл билан ҳосил бўлган жинсларнинг емирилиши ва қайта ётқизилиши маҳсулотидир. Унинг қалинлиги - қуруқликда 0 дан 10-15 км гача, океанда эса ўртача 0,3 - 0,5 км, баъзан 1 км гача боради. Жинсларнинг ўрта зичлиги 1,8 - 2,5 г/см³.
Гранит қатлам - қуруқликда унинг қалинлиги 30 - 40 км га етади. Океанларда эса бу қатлам бўлмаслиги ҳам мумкин ёки бўлсада, қирғоқ олди ерларда 0,4 - 0,5 км баъзан 1-2 км га етади. Бу қатлам жинслари қумтупроқ ва алюминийга тўйинган бўлиб, гранит, гранодиорит, гнейс ва бошқа магматик ва метаморфик жинс кўринишларида учрайди. Жинсларнинг ўртача зичликлари 2,7г/см³ гатенг. 
Базальт қатлам. Базальт қатламининг қуруқликдаги қалинлиги 30-35 км, океанда эса 5 - 6 км га тенг. Унинг зичлиги 2,7 - 2,9 г/см³ гача ортиб боради. Таркибида қумтупроқ камроқ бўлади. Базальт, габбро каби тоғ жинслари шу турқумларидандир.