Ёнfин хавфсизлиги

33. Ишлаб чиқариш корхоналарида ёнғинларни олдини олиш ишларини ташкиллаштириш /12/
Саноат корхоналарининг ёнғин хавфсизлигини таъминлаш учун қуйидаги тадбирларни амалга ошириш керак:

• 
  бино ва иншоотларни автоматик ўт ўчириш воситалари билан жиҳозлашда уларга кундалик техник хизмат кўрсатиш ишларини амалга ошириш;
  
• 
  деталларнинг, агрегатларнинг ва тайёр маҳсулотларнинг устини тозалаш ва уларни мойсизлантириш участкаларида ушбу мақсадда фойдаланилаётган ёнувчан суюқликлар ўрнига ёнғиндан хавфсиз техник ювиш воситаларини қўллашни йўлга қўйиш;
  
• 
  технологик жараёнда қўлланаётган материаллар ва воситаларнинг ёниш ва портлаш параметрларини (кўрсаткичларини) аниқлаш ва хоналарда ишлатилаётган электр мосламаларини ишлаб чиқариш хоналарининг ёнувчанлик ва портловчанлик синфларига қараб танлаш;
  
• 
  ишлаб чиқариш хоналарида ва ҳавони ҳайдаш (шамоллатиш) тизимларида ёнғин тарқалишининг олдини олиш мақсадида ёнғинга қарши тўсиқлар, тез ҳаракатга келувчи тўсувчилар, клапан-шиберлар ва заслонкаларни қўллаш;
  
• 
  бино конструкциясининг оловга чидамлилигини ошириш, ёнғиндан хавфли жиҳозлар ва агрегатларни бинонинг алоҳида хоналарига ажратиб қўйиш ёки уларни ташқаридаги очиқ майдончаларга олиб чиқиш;
  
• 
  эвакуация йўлларида безаш учун турли ёнувчан материаллардан фойдаланишни тақиқлаш;
  
• 
  ёнғиндан хавфли ишлаб чиқариш биноларида тутунга қарши тизимлардан фойдаланишни ва илгари ўрнатилган тутунни ҳайдаш тизимларининг доимий ишлаб туришини таъминлаб беришни йўлга қўйиш;
  

цехлар, лабораториялар ва омборхоналарни хавфсизлик белгилари билан жиҳозлаш, олов билан боғлиқ бўлган ишларни тартибга солиш ва ҳоказолар.

34. Ёнгин-техник текширувларнинг турлари, мақсадлари ва ўтказиш вақтлари. Ёнгинларни олдини олишда унинг тутган ўрни /6/

Ҳалқ хўжалиги объектларининг ёнгин хавфсизлигига қаратилган ишларни текшириш давлат ёнгин назорати органларининг текширишларни ўтказиш жараёнида куйидаги масалаларни комплекс равишда ечиш керак булади:
- ёнгиннинг келиб чиқишига асос бўлувчи сабабларни аниқлаш ва уларни бартараф этиш;
-ёнғин пайдо бўлган тақдирда унинг тарқалишини чеклаш ва уни муваффақиятли ўчириш, инсонлар хавфсизлигини таъминлашга қаратилган тадбирларни белгилаш ва амалга ошириш;
-ишчилар, хизматчилар, деҳқонлар ва бошқаларга ёнғин хавфсизлиги қоидалари ҳақида ва ёнғин чиққан пайтда уларнинг қандай ҳаракатлар қилишлари кераклиги борасида йўриқномалар бериш.
Давлат ёнғин назорати ишининг энг мураккаб жойи бу - ёнғин чиқишга олиб келиши мумкин бўлган конкрет камчиликни аниқлаш ва ушбу камчиликларни тезда бартараф этишни ташкиллаштириш. Бу ёнғин хавфсизлигига қаратилган ишларни текширувининг бош мақсадидир, демак ДЁН ходимларнинг ҳам асосий мажбуриятларидан биридир.
Ёнғин хавфсизлигига қаратилган ишларни текширишни уларнинг тавсифига қараб ҳар томонлама тўлиқ ва қайта текширишларга бўлиш мумкин. ДЁН органи хизмат кўрсатган маъмурий ҳудудда жойлашган барча корхоналар, жамоат муассасалари, яшаш уйлари ва бошқа бино ва иншоотлар бундай текширишлардан ўтказилади. Текширишларни тартибга солиш ва қулайликлар туғдириш мақсадида барча ҳалқ хўжалиги масканлари қуйидагиларга бўлинади: 1-чи хавфли гуруҳга кирувчи, 2 ва 3-чи хавфли гуруҳга кирувчи масканлар, ҳар бир масканга маълум бир ДЁН ходими бириктирилади ва унга ушбу масканнинг ёнғин хавфсизлиги сифатини назорат қилиш вазифаси юклатилади. Бириктирилган ходим бир йилда икки мартадан кам бўлмаган (ҳар томонлама ва қайта) текширишларни амалга оширишга мажбурдир. Назорат қилиш вазифаларини амалга ошириш учун масканларни аниқ ҳисобга олиш мақсадида маҳаллий ДЁН органида масканларни қайдга олиш маҳаллий ДЁН бўлинмасидаги ягона «Профилактик ишлар дафтари»нинг 2-бўлимида белгиланади.