Ёнfин хавфсизлиги

16. Комплекс текширувларни тайёрлаш ва ўтказиш /6/
ДЁН тўғрисидаги Низом ЎзР ИИВ ёнғин хавфсизлиги хизмати органларига ҳалқ хўжалиги масканларини текшириш ва мансабдор шахсларга бажарилиши шарт бўлган ёзма кўрсатмалар тақдим этиш ҳуқуқини белгилаб берган. Низомда белгилаб қўйилган ДЁН органларининг асосий вазифаларидан бири - ёнғинларнинг олдини олиш ҳамда шаҳарлар, аҳоли пунктлари ва ҳалқ хўжалиги объектларида ёнғин чиқиш хавфсизлигини таъминлаш ишларини такомиллаштириш. Ҳалқ хўжалиги масканларининг комплекс текширишлари Қўлланма талабига кўра ЎзР ИИВ ЁХББ, ҚР ИИВ ЁХБ, вилоятлар ИИБ ва Тошкент шаҳри ИИББ ЁХБларининг режалари асосида ўтказилади. Бу текшириш давомида ҳалқ хўжалиги тармоғининг барча масканлари текширилади.
Шаҳар, туман ва қишлоқ ҳудудлари ёнғин хавфсизлиги ҳолатининг комплекс текшируви эса ИИВ ва ИИББ (ИИБ) ЁХБларининг йиллик календар режалари асосида ўтказилади.
Текширув ИИВ ва ИИБ ЁХБ раҳбарларининг ёки уларнинг таркибий бўлим (бўлинма) раҳбарларининг бошчилигида тузилган комиссия томонидан амалга оширилади. Комиссия таркибига текширилаётган ва бошқа туманлар ДЁН бўлинмалари ходимлари ҳам киритилади.
Тегишли ташкилот раҳбарлари билан келишилган ҳолда комиссия таркибига маҳаллий ҳокимият, бошқа назорат органлари, айрим соҳага оид ташкилотлар кўнгилли жамоат ташкилотлари, ҳалқ хўжалиги соҳаларининг мутахассис вакиллари ҳам киритилади.
Текширишлар жараёнида ёнғин-тактик машқлари ўтказилади ҳамда КЎЎДларнинг жанговар ҳолати аниқланиб, уларга амалий ёрдам кўрсатилади. Қишлоқ жойларини режалаштириш ва қуриш масалалари ҳам кўриб чиқилади, ёнғинга қарши сув таъминоти масалалари ҳам кўриб чиқилади.


17. Қишлоқ туманларида ёнғинларни олдини олиш ишларини ташкиллаштириш /6/
Қишлоқ хўжаликлари бошқармалари, деҳқон-фермер хўжаликлар уюшмалари ва техника таъминоти уюшмалари билан биргаликда ишларни ташкил этиш.
ДЁН органлари қишлоқ жойларда ёнғин хавфсизлиги талабларини бузаётган шахсларга нисбатан чора қуриш учун юқори ташкилотлар орқали ҳаракат қилиши лозим.
Жамоа хўжаликларига тааллуқли капитал ёнғинга қарши тадбирларни бажарилиши ва ёнғин ўчириш техникалари сотиб олиш учун юқори ташкилотлар орқали маблағ ажратилишини ташкил этиш,
Масканларнинг ёнғинга қарши ҳолати бўйича ҳар турли кўрик танловлар ташкил этиш.
КЎЎД бошлиқларини ўқитиш бўйича барча чораларни кўриш,
Шундай қилиб қишлоқлардаги саноат корхоналари ва аҳоли турар жойларидаги ёнғин хавфсизлигини таъминлаш учун қуйидаги комплекс чора тадбирлар кўрилиши лозим

1. 
   турар жой ва оммавий бинолар қурилишида қийин ёнувчан материалларни ишлатишни ташкил этиш,
   
2. 
   Уй жойларни қуришни режалаштирилган холда амалга оширилишини талаб қилиш,
   
3. 
   Мавсумий даврларда ёнгинларни олдини олиш учун огоҳлантирувчи чораларни кўриш,
   
4. 
   КЎЎДларни ташкил этиш
   
5. 
   Хўжаликларда ёнғинга қарши курашувчи ташкилотларни асосини ташкил этиш
   
6. 
   Ёнғин ўчириш учун режалаштирилган техникаларни тезликда жамлаш ишларини кўриш,
   
7. 
   Ўт ўчириш техникаларининг мослаштирилган турларини ташкил этиш, ёнғинга қарши йўриқномалар ва ҳамда аҳолини ёнғинга қарши ишларга ўқитиш,
   
8. 
   ЁТКларни ташкил этиш ва улар ёрдамида ёнғин хавфсизлигини таъминлаш чораларини кўриш.
   
9. 
   Ёнғин хавфсизлигини таъминлаш борасидаги Ҳокимият қарорини тайёрлаш ва тасдиқлаш Қарорини чиқариш керак .
   

10. Қўшма отрядларнинг ишини ташкиллаштириш.

11. 
    Ўт ўчириш техникаларини қўшимча ёқилғи-мойлаш материаллари билан таъминлаш масалаларини ҳал этиш.
    
12. 
    Содир бўлган ёнғинларни ўчиришни ташкиллаштириш