Ёнfин хавфсизлиги

31. Газ ва тутундан ҳимоя қилиш хизматининг базасига қаратилган хавфсизлик техникаси талаблари /5/
Газ-тутундан ҳимоя қилиш хизматининг базаси учун қуйидаги хоналар ажратилади:
а) аппаратхона;
б) кислород тўлдириш тармоғи;
в) газниқобни таъмирлаш устахонаси;
г) газниқобни ювиш ва қуритиш тармоғи;
д) тикловчи патронларни сақлаш ва тўлдириш;
е) кислород ва ҳаво баллонларини синаш.
Керакли миқдорда хоналар етишмаса, газниқобни сақлаш ва текшириш хонасида уларни ювиш ва қуритишга рухсат этилади.
Тикловчи патронларни ва кимёвий газларни ютувчи моддани сақлаш хонасидаги температура 5-20⁰С атрофида бўлиши керак.
Назорат ва ўлчаш асбоблари
Кислород тўлдирилган транспорт баллонларини сақлаш учун махсус металл жавонларнинг бино ташқарисида ўрнатилишини ҳисобга олиб, кислород тўлдириш тармоғи бинонинг ташқи девори ёнига жойлаштирилади.
Кислород тўлдириш тармоқ хонасининг ташқи ойналари қуёш нурларини ўтказмаслиги лозим.
Захирадаги кислород баллонлари ва тикловчи патронлар ҳаво температураси +20^оС гача бўлган хонада, иситгич асбобларидан камида 1 м нарида ўрнатилган жавонларда сақланади.
Кимёвий газларни ютувчи модда тўлдирилган тунука сиғимлар иситгич асбобларидан 1,5 м нарида сақланиши лозим. Яроқли ва ишлатилган кимёвий газларни ёнувчи модда тўлдирилган тунука сиғимлар иситгич асбобларидан 1,5 м. нарида сақланиши лозим. Яроқли ва ишлатилган кимёвий газларни ютувчи модда тўлдирилган тунука сиғимларни ҳамда яроқли ва ишлатилган тикловчи патронларни биргаликда сақлаш тақиқланади.
Назорат қилиш тармоғи хонасининг майдони 10-12 м² бўлиб, совуқ ва иссиқ сув билан таъминланади ва сув йўналтириш жўмраклари билан жиҳозланади.
Электр қуритиш жавони, кислород сиқувчи машина, пармалаш ва бошқа дастгоҳ ва ускуналар ерга уланган ҳамда хавфсизлик техникаси бўйича қўлланмалар билан таъминланган бўлиши керак
Сиқилган ҳаводан нафас олиш аппаратларини сақлаш, тозалаш, зарарсизлантириш, текшириш ва таъмирлаш базаларига талаблар газ-тутундан ҳимоялаш хизмати Низомида кўрсатилган