Energiya ta’minoti bo‘yicha avariya broni

2-bob. Elektr energiyasiga bo‘lgan ehtiyoj prognozini shakllantirish tartibi
Oldingi tahrirga qarang.
(13-band O‘zbekiston Respublikasi Vazirlar Mahkamasining 2018-yil 20-oktabrdagi 838-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 22.10.2018-y., 09/18/838/2077-son)
Oldingi tahrirga qarang.
14. Respublikada elektr energiyasi iste’molining prognozi hududiy elektr tarmoqlari korxonalari tomonidan iqtisodiy rivojlanish, aholi sonining o‘sishi va uy-joy qurilishini hisobga olgan holda har bir iste’molchi bilan tuzilgan elektr ta’minoti shartnomalarida ko‘rsatilgan ehtiyoj miqdorlari asosida aniqlanadi.
(14-band O‘zbekiston Respublikasi Vazirlar Mahkamasining 2018-yil 20-oktabrdagi 838-sonli qarori tahririda — Qonun hujjatlari ma’lumotlari milliy bazasi, 22.10.2018-y., 09/18/838/2077-son)
15. Elektr energetika obyektlarining ichki tarmoq elektr energiyasi iste’molining prognozi (korxonalarning elektr energiyasi ishlab chiqarish bo‘yicha o‘zining va ishlab chiqarish ehtiyojlari, belgilangan tartibda tasdiqlangan elektr energiyasini elektr tarmog‘i xo‘jaligi obyektlariga uzatish bo‘yicha elektr energiyasining texnologik sarfi) har yili 1-oktabrgacha umumlashtiriladi hamda kelgusi yil uchun elektr energiyasi ishlab chiqarish va iste’mol qilish balansi tarkibiga kiritiladi.
Oldingi tahrirga qarang.
16. Elektr energiyasini ishlab chiqaruvchi korxona har yili 1-oktabrgacha O‘zbekiston Respublikasi Energetika vazirligi (keyingi o‘rinlarda Energetika vazirligi deb ataladi), “O‘zbekiston milliy elektr tarmoqlari” AJ va “Issiqlik elektr stansiyalari” AJga kelgusi yilga elektr energiyasi ishlab chiqarish bo‘yicha mavjud quvvat va prognoz to‘g‘risida ma’lum qiladi.
(16-band O‘zbekiston Respublikasi Vazirlar Mahkamasining 2020-yil 3-iyundagi 348-sonli qarori tahririda — Qonun hujjatlari ma’lumotlari milliy bazasi, 04.06.2020-y., 09/20/348/0716-son)
Oldingi tahrirga qarang.
17. “O‘zbekiston milliy elektr tarmoqlari” AJ “Issiqlik elektr stansiyalari” AJ, “O‘zbekgidroenergo” AJ va “Hududiy elektr tarmoqlari” AJ bilan birgalikda choraklar bo‘yicha bo‘lib chiqqan holda, kelgusi yilgi elektr energiyasi ishlab chiqarilishi va iste’mol qilinishi balansining prognoz ko‘rsatkichlarini shakllantiradi va joriy yilning 15-oktabrigacha uni O‘zbekiston Respublikasi Iqtisodiyot va sanoat vazirligiga taqdim etish uchun Energetika vazirligiga kiritadi.
“O‘zbekiston milliy elektr tarmoqlari” AJ, “Issiqlik elektr stansiyalari” AJ, “O‘zbekgidroenergo” AJ va “Hududiy elektr tarmoqlari” AJ O‘zbekiston Respublikasi Vazirlar Mahkamasi tomonidan tasdiqlangan elektr energiyasi ishlab chiqarish va iste’mol qilish balansining prognoz ko‘rsatkichlariga muvofiq o‘z tasarruflaridagi tashkilotlarga elektr energiyasi ishlab chiqarilishi va iste’mol qilinishining choraklarga taqsimlangan ko‘rsatkichlarini prognoz yil uchun belgilangan muddatlarda yetkazadilar.
(17-band O‘zbekiston Respublikasi Vazirlar Mahkamasining 2020-yil 3-iyundagi 348-sonli qarori tahririda — Qonun hujjatlari ma’lumotlari milliy bazasi, 04.06.2020-y., 09/20/348/0716-son)