Energiya ta’minoti bo‘yicha avariya broni

5-bob. Iste’molchilarning elektr qurilmalari ekspluatatsiya qilishga tayyorligini aniqlash va kuchlanishni uzatish
(5-bob nomi O‘zbekiston Respublikasi Vazirlar Mahkamasining 2019-yil 9-iyuldagi 567-sonli qarori tahririda — Qonun hujjatlari ma’lumotlari milliy bazasi, 11.07.2019-y., 09/19/567/3404-son)
Oldingi tahrirga qarang.
32. Iste’molchilarning elektr qurilmalari ekspluatatsiya qilishga tayyorligini aniqlash va ularga kuchlanish berish qonunchilikda belgilangan tartibda amalga oshiriladi.
Iste’molchilarning quvvati 20 kVtdan yuqori bo‘lgan elektr qurilmalari yagona elektr energetika tizimi elektr tarmoqlariga ularning ekspluatatsiya qilishga tayyorligi aniqlanmasdan va “O‘zenergoinspeksiya” tomonidan Iste’molchilarning elektr qurilmalarini elektr tarmoqlariga ulash to‘g‘risidagi dalolatnoma imzolanmasdan ulanganligi aniqlanganda, ushbu elektr qurilmalar qoidabuzarliklar bartaraf etilgunicha va mazkur buzilishlarga yo‘l qo‘ygan shaxslarga nisbatan tegishli choralar ko‘rilgunicha elektr tarmoqlaridan darhol uziladi.
(32-band O‘zbekiston Respublikasi Vazirlar Mahkamasining 2019-yil 9-iyuldagi 567-sonli qarori tahririda — Qonun hujjatlari ma’lumotlari milliy bazasi, 11.07.2019-y., 09/19/567/3404-son)
Oldingi tahrirga qarang.
33. Iste’molchilarning quvvati 20 kVtdan yuqori bo‘lgan yangi yoki rekonstruksiya qilingan elektr qurilmalariga kuchlanish berish “O‘zenergoinspeksiya” tomonidan ularning ekspluatatsiya qilishga tayyorligi aniqlangani, tekshirilgan sxemalar va hisobga olish priborlari plombalangandan keyin, shuningdek, elektr ta’minoti shartnomasi tuzilganidan so‘ng amalga oshiriladi.
Iste’molchilarning quvvati 20 kVtdan yuqori bo‘lgan yangi yoki rekonstruksiya qilingan elektr qurilmalariga kuchlanish berish ushbu bandning birinchi xatboshida nazarda tutilgan tartibda “O‘zenergoinspeksiya”ning ishtirokisiz amalga oshiriladi.
Bunda tadbirkorlik subyektlarining elektr qurilmalari elektr tarmoqlariga qonun hujjatlarida bilan belgilangan tartibda ulanadi.
(33-band O‘zbekiston Respublikasi Vazirlar Mahkamasining 2019-yil 9-iyuldagi 567-sonli qarori tahririda — Qonun hujjatlari ma’lumotlari milliy bazasi, 11.07.2019-y., 09/19/567/3404-son)
Oldingi tahrirga qarang.
34. Iste’molchilarning elektr qurilmalari ekspluatatsiya qilishga tayyorligini aniqlaydigan “O‘zenergoinspeksiya” va uning hududiy bo‘limlari, shuningdek, hududiy elektr tarmoqlari korxonalari ekspluatatsiya qilish jarayonida ularning normal ishlashi uchun javobgar bo‘lmaydi.
(34-band O‘zbekiston Respublikasi Vazirlar Mahkamasining 2019-yil 9-iyuldagi 567-sonli qarori tahririda — Qonun hujjatlari ma’lumotlari milliy bazasi, 11.07.2019-y., 09/19/567/3404-son)
Oldingi tahrirga qarang.
(35-band O‘zbekiston Respublikasi Vazirlar Mahkamasining 2019-yil 9-iyuldagi 567-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 11.07.2019-y., 09/19/567/3404-son)