Эълон! Бисмиллаҳир Роҳманир Роҳийм

ИНТЕРНЕТ ФИҚҲИ ( 15-мақола )

Ҳаром (6-қоида)

6 - Ҳеч қайси ҳаром интернет доирасида ўз ҳаромлигини йўқотмайди.

Бир масжиднинг эшигига пиво рекламаси ёпиштирилганини кўрганимизда қандай беҳузур бўлсак, ўша рекламани компьютеримизда кўрганимизда ҳам беҳузур бўламиз. Кофирларнинг расмлари, гуноҳга чақирувчи расмлар/фильмлар/рамзлар, насронийликка ёхуд бошқа бир динга оид расмлар/рамзларни Facebook, Twitter ва бошқа саҳифаларимизда, қўл телефонимизда, компьютеримизда сақламаймиз.

Мусулмонлар янги йил кечасида курка сўйиб ейишмайди, чунки бу насронийларга тақлид ҳисобланади. Насронийлар янги йил кечасида маълум бир белбоғни белларига боғласалар, ўша кун мусулмонлар ҳам мазкур белбоғларни белларига боғлашлари ҳаром бўлади. Чунки мусулмон кофирнинг кофирлигини ифода қилувчи рамзлардан фойдаланмайди. Бу қонун қўл телефони учун ҳам, интернет учун ҳам амалда. Бир мўмин сифатида мен, қаралганида тўғридан-тўғри кофирларни эслатувчи ҳар қандай нарсани тасдиқламаганим сингари, уларни столимда ҳам қўймайман.

Мисол учун, бир мусулмон сифатида иш столимда насронийларнинг хоч ишоратини кўнгилочар нарса қилиб қўймаганим сингари, компьютеримда ҳам асло сақламайман. Фалончи футболчининг, актёрнинг расми, фильми ҳам шулар сирасига киради. Буни ёзиб турадиган фаришталар «фақатгина телефон/компьютерида сақлаб юрганди» қабилида оддий қабул қилишмайди.

Интернет фиқҳи жиҳатидан «фильтрланган» телефон ва компьютерлар ишлатишга мажбурмиз. Фон расми сифатида бир шаҳар расмини қўйган, кўрилганда кўзга черков кўриниб турган бўлса, мусулмон буни ишлатишдан ўзини асрайди. Албатта, буни фон расми қилиб қўйганда, черковга борган ҳисобланиб қолмайди, лекин очиқ-ойдин черковга (ширкка) розилигини исботлаган бўлади.

Сигарет чекиб турган бирор шоирнинг суратини ишлатиш ҳам сигаретга бўлган муносабатининг (30 йилдан кейин бўлса ҳам) заифлашиб қолиши эҳтимолидан бу ҳам мазкур қонун яъни мўмин банда қилиши жоиз бўлмаган ишлар доирасига киради. Кўз кўрганини мияга етказади ва мия ўзига келганларини чиқариб ташламайди, йиғиб боради. Шундай экан, мия ўзида жамланганлар асосида ўз эгасини бошқаришга ўтади. Бу психологик қоидаси жиҳатидан. Фосиқларнинг расмларини вақтинчалик бўлса ҳам интернет саҳифаларимизда сақламасликка ҳаракат қилмоғимиз лозим.