Elementar hodisalar fazosi

1-misol. Tajriba simmetrik bir jinsli tangani muayyan sharoitda tashlashdan iborat bo'lsin. Tajribadan tajribaga o'tganda ro'y beruchi hodisalar har xil bo'ladi. Masalan: biror tajribada "gerb" (G) tushgan bo'lsa, boshqasida tanganing teskari tomoni "raqam" (R) tushishi mumkin.

Ta’rif. Tajriba natijasida ro'y berishi oldindan aniq bo'lmagan hodisa tasodifiy hodisa deyiladi.

Ta’rif. Tajribaning har qanday natijasi elementar hodisa deyiladi.

Ta’rif. Tajriba natijasida ro'y berishi mumkin bo'lgan barcha elementar hodisalar to'plami elementar hodisalar fazosi deyiladi.
Elementar hodisalar fazosini  bilan, har bir elementar hodisani  orqali belgilaymiz. Yuqoridagi misolda  dan iborat bo’ladi.


2-misol: Tajriba tangani 2 marta tashlashdan iborat bo'lsin . Bunda elementar hodisalar quyidagilardan iborat:

- ikkala tashlashda ham gerb.

- 1-tashlashda gerb, 2-tashlashda raqam .

- 1-tashlashda raqam, 2-tashlashda gerb.

- Ikkala tashlashda ham raqam.
Bunda elementar hodisalar fazosi 2²=4 ta elementdan iborat bo’ladi.
Ya’ni  .
Agar tanga n marta tashlansa elementar hodisalar fazosi  ta elementdan iborat bo’ladi.


3-misol: Tajriba yoqlariga 1 dan 6 gacha raqamlar joylashgan bir jinsli kubni (o’yin soqqasi) bir marta tashlashdan iborat bo’lsa, elementar hodisalar  bo’ladi. Elementar hodisalar fazosi 6 ta elementdan iborat bo’ladi.

4-misol: Tajriba o’yin soqqasini 2 marta tashlashdan iborat bo'lsin.
Bu holda elementar hodisalar  ko'rinishda bo'ladi. Bu hodisa soqqani 1-tashlashda  raqamli yoq, 2- tashlashda  yoq tushganligini bildiradi. Bu yerda  va elementar hodisalar soni 6²=36 ta bo’ladi.


5-misol: Tajriba nuqtani [0,1] kesmaga tasodifiy ravishda tashlashdan iborat bo'lsin.
Bu yerda elementar hodisalar fazosi  , [0,1] to'plamdan iboratdir, ya'ni u kontinium quvvatga ega.
Tasodifiy hodisalar lotin alfavitining bosh harflari A,B,C,... bilan belgilanadi.
Har qanday hodisa elementar hodisalardan tashkil topgan bo'lib, bu elementar hodisalardan birortasi ro'y bersa, hodisa ro'y berdi deyiladi.
Agar A hodisaga kirgan elementar hodisalardan birortasi ham ro'y bermasa A hodisa ro'y bermaydi, unga teskari hodisa ro'y bergan deymiz u  kabi belgilanadi.
A va  hodisalar o’zaro qarama-qarshi hodisalar deyiladi.
Har bir tajribada albatta ro'y beradigan hodisa muqarrar hodisa deyiladi va Ω bilan begilaymiz. Birorta ham elementar hodisani o'z ichiga olmagan hodisa mumkin bo'lmagan hodisa deyiladi va Ø bilan belgilaymiz.