Elektrotexnika va elektronika asoslari

Hisob-grafik ishini tashkil etish bo‘yicha ko‘rsatma va tavsiyalar
Hisob-grafik ishining maqsadi talabalarda mustaqil ishlash qobiliyatini rivojlantirish, olgan nazariy bilimlarini qo‘llashda amaliy ko‘nikmalar hosil qilish, bevosita ishlab chiqarishdagi real sharoitlarga mos texnik echimlar qabul qilish va zamonaviy texnik va texnologiyalarni qo‘llash ko‘nikmalarini hosil qilishdir.

Hisob-grafik ishi mavzulari bevosita er usti transport tizimlari va ular ekspluatatsiyasi (Lokomotivlar, vagonlar)ga aloqador texnologik jarayonlarga bog‘liq holda, real sharoitlarda mavjud bo‘lgan elektr zanjirlar uchun mo‘ljallanadi. Topshiriq har bir talabaga alohida tayyorlanadi.

Hisob-grafik ishi hisoblar va chizma ishlardan iborat bo‘lib, ularni bajarishda zamonaviy kompyuter texnologiyalarini qo‘llash nazarda tutiladi.