Elektrotexnika va elektronika asoslari

I. O‘quv fanining dolzarbligi va oliy kasbiy ta’limdagi o‘rni
Temir yo‘l transportida yuk va yo‘lovchilarni tashish ishlarini ishonchli amalga oshirishda, boshqarishning avtomatlashtirilgan va telekommunikatsiya tizimlarida turli elektr jihozlar roli muhim hisoblanadi. Lokomotivlar va vagonlarning elektr jixozlari transport vositalarini elektr energiyasi bilan taminlash, yordamchi elektr qurilmalarni harakatga keltirish vazifalarini ham amalga oshiradi. Bu o‘z navbatida elektr jihozlariga nisbatan alohida talablar bajarilishini taqozo etadi.

Shu boisdan ham “Elektrotexnika va elektronika asoslari” fani asosiy umumkasbiy fan bo‘lib, sanoatda va ishlab chiqarishda hamda elektr harakatlanuvchi tarkibda texnologik tizimning ajralmas bo‘g‘inidir. “Elektrotexnika va elektronika asosalar” fani umumkasbiy fanlari blokiga kiritilgan bo‘lib, 2-kursda o‘qitilishi maqsadga muofiq. “Elektrotexnika va elektronika asosalar” fani umumiy texnika fanlar turkumiga kiradi va yo‘nalishning boshqa mutaxassislik fanlarini o‘qitishda zamin bo‘lib xizmat qiladi.