Elektrotexnika

O`lchash asboblarining shkalasidagi shartli belgilar
O`lchash asboblariga maxsus shartli belgilar chizilgan bo`ladi va bu belgilar asosida o`lchash asbobining muhim fazilatlari borasida kerakli ma`lumotlarni olishimiz mumkin. Quyida shu belgilarning asosiylarini keltirib o`tamiz:
A. Asosiy o`lchash birliklari va ularning karrali va ulushli qiymatlari:
kA, kV, mA, mV, W, MW, Nz, kHzB. O`lchash zanjiridagi tokning turi:
~ o`zgaruvchan tok zanjirida ishlaydi;
– o`zgarmas tok zanjirida ishlaydi;
~ ham o`zgaruvchan, ham o`zgarmas tok zanjirida ishlaydi.
V. Havfsizligi:
Beshqirrali yulduzcha chizilgan bo`lib, agar uning ichida hech qanday raqam bo`lmasa, u holda 500 vol`tli kuchlanish ostida sinalgan bo`ladi. Agar, raqam yozilgan bo`lsa, masalan 2, bunda asbob 2000 vol`t kuchlanishida sinalgan bo`ladi.
G. Foydalanish holati:
 - vertikal holatda joylashtiriladi, - gorizontal holatda joylashtiriladi; 60° - qiya holatda joylashtiriladi.
D. Aniqlik klasslari: 0,5; 1,0 kabi.
Takrorlash uchun savollar.
1. Turli tizimda ishlaydigan analog o`lchash asboblarining afzallik va kamchilik tomonlarini tushuntirib bering.
2. Elektr zanjiridagi tok kuchining qiymati 50 A. Uni o`lchash uchun qanday asbobdan foydalanish mumkin?
3. O`lchash asbobining sezgirligi deganda nimani tushunasiz?
4. O`lchash asbobining sezgirligini oshirish uchun qaysi parametrlarga e`tibor berish lozim bo`ladi?
5. O`lchash asboblaridagi shartli belgilar nima uchun kerak?

14-ma`ruza. Raqamli o`lchash asboblari

Reja.
1. Raqamli o`lchash asboblari.
2. Kombinasiyalangan raqamli o`lchash asboblari.
3. Mikroprosessorli raqamli asboblar to`g`risida ma`lumotlar.
4. O`lchash o`zgartkichlari.
Tayanch so`zlar: raqamli o`lchash asbobi, kodlash, integral sxemalar.