Elektrotexnika

1-postulat - o`lchanayotgan kattalikning chinakam qiymati mavjuddir.
2-postulat - kattalikning chinakam qiymatini aniqlash mumkin emas.
3-postulat - o`lchash amalida kattalikning chinakam qiymati doimiydir.
Endi aytishimiz mumkinki, o`lchanayotgan kattalikning uchta qiymati bo`lar ekan:

1. 
   Chinakam qiymat (uni aniqlash imkoni mavjud emas);
   
2. 
   Haqiqiy qiymat (chinakam qiymatga yaqin);
   
3. 
   Olingan qiymat (tajribadan olingan qiymat).
   

Tabiiyki, hakiqiy qiymatni qaerdan olamiz degan savol tug`ilishi mumkin. Yuqorida keltirgan misolimiz bo`yicha, olmani savdo do`koni tarozisida bir necha marta takroriy o`lchab, natijalarning o`rtacha qiymatini olsak, shu haqiqiy qiymat deb olinishi mumkin.
Takrorlash uchun savollar.
1.Metrologiyaning aksiomalari
2.Metrologiyaning asosiy postulatlari

7- Ma’ruza. Metrologik xizmat va metrologik ta’minot

Reja.
1. Ishlab chiqarish va uning tarmoqlarida metrologik xizmat va metrologik ta’minot.
2. Metrologiya bo‘yicha xalqaro tashkilotlar.
3. Metrologiya bo‘yicha asosiy atamalar.
Tayanch so‘zlar: Metrologik xizmat, metrologik ta’minot, ISO (ISO), MEK, MOZM, o‘lchashlar birliligi, etalon, standart namuna, metrologik nazorat, kalibrlash, lisenziya.
Ta’limiy: Talabalarga mavzuga oid bilim va ko’nikmalarni shakllantirish.
Tarbiyaviy: Fan orqali bajariladigan ishlar, ularning ahamiyatini tushuntirish orqali talabalarni bu fanga qiziqish ruhida tarbiyalash;.
Rivojlantiruvchi: Talabalarning mavzu bo’yicha olgan bilimlarini mutaxassislik sohasidagi ishlarida qo’llash orqali rivojlantirish.
Ishlab chiqarish va uning tarmoqlarida metrologik xizmat va metrologik ta’minot
O‘lchash informatsiyasiga nafaqat miqdor bo‘yicha talablar, balki sifat bo‘yicha ham talablar qo‘yiladi. Bunga uning (o‘lchashning) aniqligi, ishonchliligi, tan narxi va samaradorligi kabi tavsiflar kiradi.
Bu sifat tavsiflarining barchasining asosida metrologik ta’minot yotadi. Metrologik ta’minotni shunday ta’riflash mumkin:

• 
  o‘lchashlar birliligini ta’minlash va talab etilgan aniqlikka erishish uchun zarur bo‘lgan texnikaviy vositalar, tartib va qoidalarning, me’yorlarning, ilmiy va tashkiliy asoslarning belgilanishi va tadbiq etilishi.