Электрон тижоратнинг ривожланиш босқичлари

Рақамли Ўзбекистон-2030 стратегиясининг аҳамияти, ривожланиш йўналишлари

Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini «Ilm, maʼrifat va raqamli iqtisodiyotni rivojlantirish yili»da amalga oshirishga oid davlat dasturida belgilangan vazifalar ijrosini taʼminlash maqsadida Axborot texnologiyalari va kommunikasiyalarini rivojlantirish vazirligi tomonidan manfaatdor vazirlik va idoralar, biznes hamjamiyati va ilmiy doiralar vakillari hamda xorijiy ekspertlar ishtirokida ishlab chiqilgan «Raqamli Oʻzbekiston — 2030» strategiyasi qabul qilindi.
Hozirgi vaqtda 40 dan ortiq axborot tizimlari bilan integrasiyalashgan geoportalni ishga tushirish, jamoat transporti va kommunal infratuzilmani boshqarishning axborot tizimini yaratish, ijtimoiy sohani raqamlashtirish va keyinchalik ushbu tajribani boshqa hududlarda joriy qilishni nazarda tutuvchi «Raqamli Toshkent» kompleks dasturi amalga oshirilmoqda.
2020 — 2022 yillarda «Raqamli Oʻzbekiston — 2030» strategiyasini amalga oshirish boʻyicha «yoʻl xarita»si tasdiqlandi
a) elektron hukumatni rivojlantirish boʻyicha:
2021 yil 1 yanvardan boshlab tajriba tariqasida «Raqamli Toshkent» kompleks dasturi doirasida jismoniy shaxsga identifikasiya ID-kartasini berishda davlat organlari va tashkilotlari bilan oʻzaro elektron munosabatlarni yoʻlga qoʻyish uchun uning shaxsiy kabineti shakllantiriladi;
2021 yil 1 iyuldan boshlab Oʻzbekiston Respublikasi Ochiq maʼlumotlar portalida davlat organlari va tashkilotlari tomonidan davlat xaridlarini amalga oshirish, patentlar, dori vositalari va tibbiy buyumlarni roʻyxatga olish, jamoat transporti harakati, yer resurslaridan foydalanish va boshqa umumfoydalanishdagi statistik maʼlumotlar onlayn rejimda joylashtirib borilishi taʼminlanadi;
2021 yil 1 avgustdan boshlab jismoniy va yuridik shaxslarga barcha belgilangan davlat bojlari, yigʻimlar, jarimalar va boshqa majburiy toʻlovlarni elektron toʻlov tizimlaridan foydalangan holda onlayn rejimda toʻlash imkoniyati taqdim etiladi;
b) raqamli industriyani rivojlantirish boʻyicha:
2020 yil 1 noyabrdan boshlab Dasturiy mahsulotlar va axborot texnologiyalari texnologik parki rezidenti maqomini axborot texnologiyalariga oʻqitish, apparat-dasturiy vositalarni ishlab chiqish va realizasiya qilish, robototexnika, Internet tarmogʻi orqali axborot xizmatlarini eksport qilish, shuningdek, maʼlumotlarni saqlash va hisoblab qayta ishlash sohasida xizmat koʻrsatadigan Oʻzbekiston Respublikasi rezidenti hisoblangan yuridik shaxslar olishi mumkin boʻladi;
2022 yil 1 yanvarga qadar masofadan kredit mahsulotlarini realizasiya qilish, omonatlar va hisob raqamlarni ochishni oʻz ichiga olgan keng turdagi onlayn xizmatlar koʻrsatishni taʼminlash orqali tijorat banklarining raqamli transformasiyasi yakuniga yetkaziladi;
g) raqamli infratuzilmani rivojlantirish boʻyicha:
2022 yil yakuniga qadar har bir aholi punkti 10 Mbit/sdan kam boʻlmagan maʼlumotlarni uzatish tezligidagi Internet tarmogʻiga ulanish imkoniyati bilan taʼminlanadi;
2022 yil 1 yanvarga qadar barcha mashhur sayyohlik joylari yuqori tezlikdagi Internet bilan taʼminlanadi.

3.