"elektron tijorat va raqamli iqtisodiyot" kafedrasi "iqtisodiyotda axborot komplekslari va texnologiyalari"

3.Soliq hisobotini jo’natishda axborotni kriptografik muxofaza qilish vositasi va 
elektron raqamli imzodan foydalanish qoidalari
Elektron raqamli imzo vositalari va axborotni kriptografik muxofaza qilish 
vositalarini tarqatish va hisobga olish O’zbekiston aloqa va axborotlashtirish 
agentligi, O’zbekiston Respublikasi Davlat soliq qo’mitasi tomonidan o’rnatilgan 
tartibda, Ro’yxatga olish markazi litsenziyasiga amal qilish shartlariga hamda 
elektron raqamli imzo vositalari va axborotni kriptografik muxofaza qilish 
vositalarini ishlab chiquvchi tashkilotlar texnik hujjatlari talablaridan kelib chiqib, 
Ro’yxatga olish markazi yoki uning joylardagi hamkorlari (agentlari) tomonidan 
tashkil etiladi. 
Axborotni kriptografik muxofaza qilish vositalarini olish, uzatish va 
foydalanishga faqat elektron raqamli imzo kaliti sertifikatining egasiga ruxsatberiladi. 
Elektron hujjat aylanishi ishtirokchilarining javobgarligi soliq hisobotini 
elektron 
ko’rinishda taqdim etuvchi soliq to’lovchi soliq hisobotidagi 
ma’lumotlarning o’z vaqtida, to’la va ishonchli taqdim etilishiga javobgar 
hisoblanadi.
Soliq hisobotini qabul qiluvchi va unga ishlov beruvchi davlat soliq xizmati 
organlarining mansabdor shaxslari keyingi foydalanish uchun qabul qilinib 
olinayotgan axborotga o’z vaqtida ishlov berilishiga shaxsan javobgardirlar. 
4.Soliq To’lovchining Individual Raqamini aniqlash 
Jismoniy shaxslar uchun. Soliq to’lovchiga o’zining soliq to’lovchining 
individual raqami (STIR)ni bilish imkoni taqdim etiladi. Soliq to’lovchi (jismoniy 
shaxs) DSIda ro’yxatdan o’tkazish amalga oshiriladigan ro’yxatdan o’tkazish 
hujjatlari, ayrim faoliyat turlari bilan shug’ullanish uchun litsenziyalar, shuningdek 
pul-hisob-kitob to’lov hujjatlarida o’z STIRni aniq yozishi shart. 

---

209 
Soliq to’lovchilarga kulaylik yaratish maqsadida, Davlat soliq qo’mitasi 
tomonidan «STIRingizni aniqlang» yangi interaktiv xizmati joriy etilgan va har bir 
jismoniy shaxs uchun o’z STIRini musaqil ravishda aniqlab olish imkoniyati 
yaratilgan. 
Buning uchun, tegishli maydonchalarga pasport ma’lumotlarini kiritib, 
«Izlash» tugmasini bosishi kifoya bo’ladi. 
Ayrim hollarda u yoki bu tashkilotga «Soliq to’lovchining Davlat soliq 
qo’mitasi tomonidan ro’yxatga olinganligi va unga identifikatsiya raqami berilganligi 
to’g’risida»gi 6-shaklli guvohnomaning nushasini taqdim etishga to’g’ri keladi. 
Bunday hollarda Sizning vaqtingizni tejash maqsadida, Davlat soliq qo’mitasi 
tomonidan «STIRingizni aniqlang» interaktiv xizmati orqali guvohnomani 
shakllantirib, chop etib olish imkoniyati yaratildi.
Buning uchun «STIRingizni aniqlang» interaktiv xizmati orqali jismoniy shaxs 
o’ziga tegishli identifikatsiya rakamini aniqlaganidan so’ng, «Guvohnomani 
shakllantirish» tugmasini bosishi va hosil bo’lgan faylni chop etib olishi mumkin 
bo’ladi.
Soliq to’lovchining individual raqami haqidagi guvohnoma taqdim etilgan 
tashkilotda guvohnomaning (STIRning) haqiqiyligiga shubha uyg’onsa, ishonch xosil 
qilish uchun tashkilotning mas’ul xodimi ham mahsus «STIRingizni aniqlang» 
darchasi yordamida interaktiv xizmati orqali tekshirib ko’rishi mumkin.
Bunda, guvohnoma va STIRning haqiqiyligi Davlat soliq qo’mitasi tomonidan 
kafolatlanadi.
«STIRingizni aniqlang» darchasi interaktiv xizmatidan foydalanishda 
kirtilayotgan ma’lumotlar pasport ma’lumotlari bilan aynan bir xilda bo’lishi kerak, 
aks holda mavjud STIR topilmasligi mumkin. 
Pasport ma’lumotlarining aniq va to’g’ri kiritilishiga jiddiy e’tibor qaratilishi 
lozim. Bu darchaning ko’rinishi quiydagichadir.