Elektron asboblar va mikroelektronika

Nazorat savollari

1. 
   Raqamli IMSlarga qanday IMSlar misol bo`loladi?
   
2. 
   Trigger qurilmasini ishlash prinsipini tushuntiring.
   
3. 
   Bazaviy mantiqiy elementlarga misol keltiring.
   
4. 
   Summator qurilmasining vazifasini tushuntiring.
   

4.5.MAVZU: INTEGRAL MIKROSXEMALARNING QO`LLANILASHI
Reja.
1) Konstruktiv va texnologik belgilar.
2) Tranzistorning ishlatilish turiga ko`ra yarim o`tkazgichli IMS.
3) Planar – epitaksial texnologiya.
Tayanch so`z va iboralar: konstruktiv, teskari munosabat, texnologik, trigger, element, hisoblagich, xotira, yorqinlikni uzatish gradatsiyasi, diskret elementlar, tugallangan sxema.


Integral mikrosxema (IMS) elektr jihatdan o`zaro bog’langan elektr radiomateriallar (tranzistorlar, diodlar, rezistorlar, kondensatorlar va boshqalar) majmui bo`lib, yagona texnologik tsiklda bajariladi, ya`ni bir vatqning o`zida yagona konstruktsiya (asos)da ma`lum axborotni qayta ishlash funktsiyasini bajaradi.
IMSlarning asosiy xossasi shundaki, u murakkab funktsiyalarni bajarish bilan birga kuchaytirgich, trigger, hisoblagich, xotira qurilmasi va boshqa funktsiyalarni ham bajaradi. Xuddi shu funktsiyalarni bajarish uchun diskret elementlarda mos keluvchi sxemani yig’ish talab qilinardi.
IMSlar uchun ikki asosiy belgi mavjud: konstruktiv va texnologik. Konstruktiv belgisi shundaki, IMSning barcha elementlari asosiy asos ichida yoki sirtida joylashadi, elektr jihatdan birlashtirilgan va yagona qobiqga joylashtirilgan bo`lib, yagona hisoblanadi. IMS elementlarining hammasi yoki bir qismi va elementlararo bog’lanishlar yagona texnologik tsiklda bajariladi. SHu sababli integral mirosxemalar yuqori ishonchlilikka va kichik tannarxga ega.
Hozirgi kunda yasalish turi va hosil bo`ladigan tuzilmaga ko`ra IMSlarning uchta printsipial turi mavjud: yarim o`tkazgichli, pardali va gibrid. Har bir IMS turi konstruktsiyasi, mikrosxema tarkibiga kiradigan element va komponentlar sonini ifodalovchi integratsiya darajasi bilan xarakterlanadi.
Element deb biror elektroradioelement (tranzistor, diod, rezistor, kondensator va boshqalar) funktsiyasini amalga oshiruvchi IMS qismiga aytiladi va u kristall yoki asosdan ajralmagan konstruktsiyada yasaladi.