Elektr tokinin’ adam organizimine ta’siri

Ишни бажариш тартиби

• Ўзбошимчалик билан ишлаш, ҳамда наряд ёки фармойишда кўрсатилгандан ортиқ иш бажариш, иш жойини ва иш ҳажмини кенгайтириш ман қилинади. 1000 В кучланишдан юқори бўлган электр ускунасини, ҳамда кучланишидан қатъий назар ҳаво электр узатиш тармоғини тўлиқ таъмирлаш, технологик карта ёки иш бажариш лойиҳаси билан бажарилиши шарт.
• Электрстанция ва подстанцияларнинг 1000 В кучланишгача бўлган электр ускуналари ва кабел электр узатиш тармоғида кучланиш остида иш бажарилаётганда, қуйидагиларни бажариш лозим:
• - иш жойига яқин жойлашган кучланиш остидаги тўсатдан тегиб кетиш эҳтимоли бўлган электр ускунани тўсиш;
• - диэлектрик калишда ёки изоляцияланган тахтачада ёки диэлектрик гиламчада туриб ишлаш;
• - изоляцияланган дастакли асбоблар ёрдамида (отвёрткада бундан ташқари стержени ҳам изоляцияланган бўлиши керак) ишлаш, мабодо бундай асбоб бўлмаса, диэлектрик қўлқопдан фойдаланиш;

• Енги калта ёки енги шимарилган кийимда ишлаш, шунингдек пичоқ, арра, эгов, металли метр ва бошқа шунга ўхшаш асбоблардан фойдаланиш ман қилинади.
• Агар электр ускуна ичида эгилиб ишлаётган шахc қаддини ростлаганда, электр ускунани ток ўтказувчи қисми билан шахc орасидаги масофа 1-жадвалда кўрсатилган масофадан кам бўладиган бўлса, бундай ҳолатда ишлаш ман қилинади.
• 6-110 кВ кучланишли электрстанция ва подстанцияларнинг электр ускунасидаги тўсиқсиз ток ўтказувчи қисми, ишлаётган шахснинг орқа ёки икки ён томонида жойлашган ҳолатларида иш бажариши ман қилинади. Кучланиш остида бўлган ускуна изоляторларига ҳимоя воситаларсиз тегиш ман қилинади.

Ишларни бошидан охиригача хавфсиз бажариш бўйича маъсул шахслар

• Ишни хавфсиз бажариш учун қуйидаги ташкилий тадбирларни амалга оширилиши шарт:
• — ишни хавфсиз бажариш учун жавобгар шахсни тайинлаш;
• — наряд ёки фармойиш бериш;
• — иш жойларини тайёрлашга ва ишлашга ижозат беришга рухсат этиш;
• — иш жойини тайёрлаш ва ишлашга ижозат бериш;
• — иш жараёнида назорат олиб бориш;
• — бошқа иш жойига ўтказиш;
• — иш жараёнида танаффус қилиш ва иш тамом бўлишини расмийлаштириш.
• Иш жараёнида ишни хавфсиз олиб боришга қуйидаги шахслар жавобгардирлар:
• — наряд ва фармойиш берувчи шахс;
• — иш раҳбари;
• — иш жойини тайёрлашга ва ишлашга ижозат беришга рухсат этувчи шахс;
• — иш жойини тайёрловчи шахс;
• — ижозат берувчи шахс;
• — ишбоши;
• — назорат қилувчи;
• — бригада аъзоси.