Электр таъминоти ва электр тармоšлари

Ҳавода совийдиган экранланган комплект ток ўтказгичлар ва шинали ўтказгичлар

1.8.25. Ток ўтказгичлар ва шинали ўтказгичларга уланган ускуналарнинг (генератор, куч ва ўлчов трансформаторлари ва ш.к.) синаш ҳажми ва меъёрлари мазкур бобнинг тегишли параграфларида келтирилган.

Тўлиқ ўрнатилган ток ўтказгичлар Қоидаларнинг мазкур бандида кўрсатилган ҳажмда синовдан ўтказиладилар.
1. Саноат частотасидаги юқори кучланиши билан синаш. Ток ўтказгич изоляциясини генератор, куч ва кучланиш трансформаторларининг чулғамлари узиб қўйилган холатда синаш кучланиши 1.8.25- жадвалга (мазкур Қоидаларга 4-илова) кўра ўрнатилади.
Меъёрланган синаш кучланишида соф чинни изоляцияли ток ўтказгичларга бериб туриш давомийлиги — 1 дақиқа. Агар ток ўтказгич изоляцияси таркибида қаттиқ органик материаллардан бўлган элементларга эга бўлган бўлса, синаш кучланишини бериб туриш давомийлиги — 5 дақиқа.
2. Болтли ва пайвандланган боғланишларни бирикмаларни бажарилиши сифатини текшириш. Ток ўтказгичларнинг танлаб олинган болтли бирикмаларининг тортиб боғланиши текширилади.
Агар ток ўтказгич монтажида буюртмачи иштирок этмаётган бўлса, контакт уланишларнинг сифатини текшириш мақсадида 1-2 болтли бирикмалар танлаб олиниб қисмларга ажратилади.
Пайвандланган бирикмалар алюминийни пайвандлаш бўйича йўриқномалар асосида кўрикдан ўтказилади ёки тегишли қурилма мавжуд бўлса – рентген ёки гаммадефектоскопия усули билан ёки ишлаб чиқарган завод тавсия этган усулда текширувдан ўтказилади.
3. Изоляцияловчи қистирмалари ҳолатини текшириш.
Қопламаси таянч металл конструкциясидан изоляцияланган ток ўтказгичларда бажарилади. Изоляцияловчи қистирмаларнинг бутлигини текшириш фаза секцияси изоляцияловчи қистирмасидаги кучланиш тушишини ёки секцияларнинг станиналари орасидаги металл конструкциядан ўтаётган токни таққослов ўлчовларини ўтказиш билан амалга оширилади.
4. Ток ўтказгични сунъий совитиш қурилмаларини текшириш ва кўриб чиқиш. Ишлаб чиқарган завод йўриқномасига мувофиқ амалга оширилади.